كەشە ورتالىق كوممۋنيكاتسيالار قىزمەتىندە «قازاقستان» تەلەكومپانياسىمەن حالىقارالىق ىنتىماقتاستىق», «قازاقستان» ۇلتتىق تەلەارناسىنىڭ رەديزاينى» تاقىرىپتارىنا ارنالعان بريفينگ ءوتتى.
جۋرناليستەردىڭ كاسىبي مەرەكەسى قارساڭىندا وتكەن بريفينگتە «قازاقستان» رترك» اق باسقارما ءتورايىمى نۇرجان مۇحامەدجانوۆا بارشا جينالعانداردى مەرەكەمەن قۇتتىقتاپ, شىعارماشىلىق تابىستار تىلەدى.
«وسىدان 3 جىل بۇرىن «قازاقستان» رترك» قۇرامىنداعى نەگىزگى بولىپ تابىلاتىن «قازاقستان» تەلەارناسى ەلباسى نۇرسۇلتان نازارباەۆتىڭ تاپسىرماسىمەن 100 پايىز قازاق تىلىندە حابار تاراتۋعا كوشكەن بولاتىن. سول كۇننەن باستاپ, ءبىز ءوز تەلەارنامىزدىڭ تەك مازمۇنى جاعىنان عانا وزگەرۋىنە كۇش سالعان جوقپىز, سونىمەن بىرگە, تەحنولوگيانى جاڭاشا مەڭگەرۋگە, كوركەمدەۋگە, كورەرمەندەردىڭ كوڭىلىنەن شىعۋعا ءمان بەرىپ كەلدىك. وسى تۇرعىدان ءبىراز جۇمىستار اتقارىلدى. ولاردى اتقارۋدا ءوز تاجىريبەمىزگە سۇيەنىپ قانا قويعان جوقپىز, سونىمەن قاتار, وزدەرىڭىز بايقاپ وتىرعانداي, ءبىز الەمدىك مەديانارىقتاعى تاجىريبەلەردى قامتىپ, ءوسۋ دەڭگەيىمىزگە حالىقارالىق ىنتىماقتاستىقتى دامىتۋ بارىسىندا قول جەتكىزدىك», دەگەن ول 50 ملن. كورەرمەنى بار ۆۆس سىندى كورپوراتسيامەن, كورەيلىك «اريران», تۇرىكتىڭ ترت-سىمەن بايلانىس ورناتىلعانىن تىلگە تيەك ەتتى.
ارنانىڭ ءارى قاراي دامۋ ۇستىندە ەكەنىن ايتىپ, ويىن جالعاعان نۇرجان جالاۋقىزى «قازاقستان» رترك» جانىنان شەتەلدىك ارىپتەستەردىڭ قاتىسۋىمەن اقىلداسىپ وتىراتىن ساراپشىلىق ۇيلەسىم كەڭەسىنىڭ قۇرىلعانىن جەتكىزدى. سونىمەن بىرگە, جۋرناليستەر نازارىنا بريفينگ كەزىندە ۇلتتىق ارنانىڭ مەملەكەتتىك رامىزدەر تۇسىمەن ورنەكتەلگەن جاڭا لوگوتيپى ۇسىنىلدى.
بريفينگكە شاقىرىلعان ەندى ءبىر مەيمان – حالىقارالىق تەلەراديوحابار تاراتۋشىلار قاۋىمداستىعىنىڭ باس ديرەكتورى, «قازاقستان» رترك» اق ديرەكتورلار كەڭەسى جانىنداعى ساراپتاۋ-كونسۋلتاتسيالىق كەڭەسىنىڭ مۇشەسى سايمون سپەنسۆيك تە جۋرناليستەردى مەرەكەمەن قۇتتىقتاۋدى ۇمىتپادى. ال «رەسەي راديوسى» مەملەكەتتىك راديوحابار تاراتۋشى كومپانياسىنىڭ ديرەكتورى, «قازاقستان» رترك» اق ديرەكتورلار كەڭەسى جانىنداعى ساراپتاۋ-كونسۋلتاتسيالىق كەڭەسىنىڭ مۇشەسى ۆياچەسلاۆ ۋمانوۆسكي: «مەنىڭ قازاقستانعا وسى جولعى كەلۋىم «قازاقستان» ارناسىنىڭ جاڭارۋىمەن تۇسپا-تۇس بولۋدا. ءاردايىم جاڭا نارسەنىڭ باسىندا بولۋ ادامعا قۋانىش سىيلايدى, سوندىقتان دا, وسىنداي مۇمكىندىك تۋدىرعان ارىپتەستەرىمە العىسىمدى جەتكىزسەم دەيمىن. جانە ماعان وسى مەديا-ورتالىق عيماراتىنىڭ وتە ۇنايتىنىن ايتقىم كەلەدى. شىنىندا دا, مۇنداي زاماناۋي مەديا-ورتالىقپەن كوپ ەل ماقتانا المايدى», دەگەن ول «رەسەي راديوسىنىڭ» «قازاقستان» ۇلتتىق ارناسىمەن بىرلەسە وتىرىپ, ەكى ءىرى جوبانى قولعا العانىن ايتتى. ونىڭ ءبىرى –قازاقستان پرەزيدەنتى نۇرسۇلتان نازارباەۆتىڭ كىتاپ جازبالارى بولسا, ەكىنشىسى – ەلباسىنىڭ جاڭا تولىقتىرىلعان ءومىربايانىنىڭ «رەسەي» راديوسىنىڭ» ەفيرىنە الداعى دۇيسەنبىدەن باستاپ تىڭداۋشىلارعا جول تارتاتىنى.
BBC Advertising وڭىرلىك وكىلدىگىنىڭ باسشىسى, «قازاقستان» رترك» اق ديرەكتورلار كەڭەسى جانىنداعى ساراپتاۋ-كونسۋلتاتسيالىق كەڭەسىنىڭ مۇشەسى سەرگەي ستانوۆسكي جۋرناليستەر الدىندا ۇلتتىق ارنا جانىنان قۇرىلعان كەڭەسكە باعاسىن بەرىپ, بۇل وعان مۇشە بولعان ءبىزدىڭ ارقايسىمىزعا دا جانە بىزدەردىڭ تاراپىمىزدان ايتىلعان ساراپتاۋ مەن سىندى دا تىڭدايمىز دەپ بەل بايلاپ وتىرعان «قازاقستان» رترك» ۇجىمىنا دا ۇلكەن جۇك ارتادى دەگەن پىكىرىن ءبىلدىردى.
بريفينگ سوڭىندا جۋرناليستەر قويعان ساۋالدارعا جاۋاپ بەرىلدى.
انار تولەۋحانقىزى,
«ەگەمەن قازاقستان».