تاراز قالاسىندا «اۋىل» حالىقتىق-دەموكراتيالىق پاتريوتتىق پارتياسىنىڭ «اۋىل تورگە شىقسىن!» اتتى اۋىل تۇرعىندارى مەن كووپەراتيۆتەرىنىڭ رەسپۋبليكالىق سلەتى ءوتتى.
جيىنعا پارتيا توراعاسى ءالي بەكتاەۆ, پارلامەنت ءماجىلىسىنىڭ, وبلىستىق, قالالىق جانە اۋداندىق ءماسليحاتتاردىڭ دەپۋتاتتىعىنا پارتيالىق ءتىزىم جانە ءبىرمانداتتى وكرۋگتەر بويىنشا سايلاۋعا تۇسەتىن كانديداتتار, اۋىل شارۋاشىلىعى كووپەراتيۆتەرى مەن اۋىل تۇرعىندارى قاتىستى.
وسىلايشا, «اۋىل» پارتياسىنىڭ ۇگىت-ناسيحات جۇمىسى رەسپۋبليكا كووپەراتيۆتەردىڭ سلەتىنەن باستالدى. ساياسي دودانىڭ العاشقى جۇمىستارىنىڭ جامبىل وڭىرىندە تۇساۋى كەسىلۋىنىڭ وزىندىك سىرى بار. پارتيا باعدارلاماسىنىڭ, ۇستانىمىنىڭ نەگىزى اۋىلدى قولداۋ, دامىتۋ, اۋىل تۇرعىندارىنىڭ الەۋمەتتىك ماسەلەسىن شەشۋ ەكەنى بارشاعا ايان. اتالعان ماسەلەلەردى شەشۋدىڭ ءبىر جولى – اۋىل كووپەراتيۆتەرىن دامىتۋ. بۇل رەتتە پرەزيدەنتتىڭ تاپسىرماسىمەن جامبىل وبلىسىندا ىسكە اسقان كووپەراتيۆتىك ۇلگى – قازاقستانداعى ۇزدىكتەردىڭ قاتارىندا. جامبىلدىق كووپەراتيۆتەر اينالاسى ەكى-ءۇش جىل ىشىندە بۇل باعىتتا وڭ ناتيجەگە قول جەتكىزدى.
– «اۋىل» پارتياسىنىڭ پارلامەنت ءماجىلىسى تورىندەگى العاشقى باستاماسى اۋىل شارۋاشىلىعى ءونىمىن, شيكىزاتىن, ازىق-ت ۇلىك تاۋارلارىن وندىرۋشىلەر مەن باستاپقى جانە تەرەڭ قايتا وڭدەۋ كاسىپورىندارى ءۇشىن سالىقتاردىڭ بارلىق ءتۇرىن (الەۋمەتتىك اۋدارىمداردان باسقا) تولىق جويۋ ەكەنىن اتاپ وتكەن ءجون. سونداي-اق فەرمەرلەر مەن كووپەراتيۆتەردى اۋىل شارۋاشىلىعى ونىمدەرىن ساتۋ ماسەلەسى الاڭداتپاۋعا ءتيىس. سوندىقتان پارتيا ءبىرىنشى كەزەكتە كۆازيمەملەكەتتىك سەكتور ۇيىمدارى تاراپىنان كەپىلدى ساتىپ الۋ جانە وتكىزۋ جۇيەسىن قۇرۋعا قول جەتكىزەدى, – دەدى پارتيا توراعاسى ءا.بەكتاەۆ.
پارتيا توراعاسى «اۋىل» پارتياسىنىڭ اۋىلدىقتارعا عانا ەمەس, قالالىقتارعا دا ۇسىناتىن كوپتەگەن باعىتى بار ەكەنىن اتاپ ءوتتى.
– قۋاتتى اۋىل – ەلدىڭ سەنىمدى تىرەگى. ازىق-ت ۇلىك باعاسى سورەلەردە عانا وسەدى. ءبىز ازىق-ت ۇلىك نارىعىنان ارتىق دەلدالداردى ىعىستىرۋ ءۇشىن بار كۇشىمىزدى سالامىز. ەگىستىكتە وسىرىلگەن جانە قايتا وڭدەۋ كاسىپورىندارىندا وندىرىلگەن ونىمدەر تىكەلەي سورەلەرگە ءتۇسۋى كەرەك. فەرمەرلەردى ءىرى ساۋدا ورتالىقتارىنا مۇمكىندىگىنشە جاقىنداتامىز, – دەدى پارتيا توراعاسى.