التىن-ەمەل ۇلتتىق پاركىنەن «ىلە-بالقاش» رەزەرۆاتىنا شامامەن 50 باس قۇلان جەتكىزىلدى. ولاردىڭ ورتاعا بەيىمدەلۋى جەڭىل ءوتۋى ءۇشىن جانۋارلار اۋماعى 22 گەكتار بولاتىن ارنايى قورشاۋعا ورنالاستىرىلدى. بۇل جەردە شامامەن 5-7 اي ۋاقىتقا دەيىن بولادى, ودان كەيىن تۇياقتىلار تابيعي ورتاعا جىبەرىلمەك.
سونىمەن قاتار اتالعان اۋماققا تاعى دا بۇقار بۇعىلارى اكەلىندى. رەزەرۆات اۋماعىنا بۇعىلاردى جەرسىندىرۋ 2018 جىلى باستالعان بولاتىن. سول جىلى العاش رەت 5 قۇلان قورشاۋ ىشىنە جىبەرىلگەن. ەرەكشە قورعالاتىن تابيعي اۋماق 2019 جىلى – 17 باس, 2020 جىلى – 30, 2021 جىلى – 53 جانە بيىل 54 باس بۇعىمەن تولىقتى, ونىڭ 15-ءى قازىرگى تاڭدا قورشاۋعا جىبەرىلگەن.
قىزىل كىتاپقا ەنگەن جانۋارلاردىڭ قوزعالۋ اۋماعىن باقىلاۋ ماقساتىندا ءار قورشاۋ ىشىنە 2 فوتوتۇزاقتان ورناتىلعان.
ەسكە سالا كەتەيىك, تۇياقتىلاردىڭ بالقاش اۋدانىنا ورالۋى, جولبارىستى قازاقستانعا جەرسىندىرۋ باعدارلاماسى اياسىندا ىسكە اسىرىلىپ وتىر. ونى ورمان شارۋاشىلىعى جانە جانۋارلار دۇنيەسى كوميتەتى دۇنيەجۇزىلىك جابايى تابيعات قورىمەن بىرلەسىپ, بۇۇ دامۋ باعدارلاماسىنىڭ قولداۋىمەن جۇزەگە اسىرادى.