ەلىمىزدىڭ قورعانىس ءمينيسترى سەرىك احمەتوۆ مەملەكەت باسشىلارى دەڭگەيىندەگى جوعارعى ەۋرازيالىق ەكونوميكالىق كەڭەستىڭ وتىرىسىنا قاتىسۋ ءۇشىن استاناعا كەلگەن ۇقشۇ باس حاتشىسى نيكولاي بورديۋجامەن كەزدەستى.
كەزدەسۋ بارىسىندا اسكەري جانە ساياسي ىنتىماقتاستىقتىڭ اعىمداعى جانە پەرسپەكتيۆالىق ماسەلەلەرى, قازىرگى زامانعى قاۋىپ-قاتەرلەرگە قارسى ارەكەت ەتۋ, ۇيىمنىڭ جاۋاپكەرشىلىك اياسىندا قاۋىپسىزدىكتى قامتاماسىز ەتۋ بويىنشا پىكىر الماسىلدى.
اسكەري-تەحنيكالىق ىنتىماقتاستىقتىڭ «ۇقشۇ قىزمەتى ماڭىزدى اسپەكتىلەرىنىڭ ءبىرى» ەكەنىن اتاپ وتكەن تاراپتار, ۇقشۇ-عا مۇشە ەلدەر قورعانىس-ونەركاسىپتىك كەشەنى سالاسىنداعى ءوزارا ءتيىمدى بايلانىستاردى ءارى قاراي دامىتۋدى قولداپ پىكىر ءبىلدىردى.
ۇجىمدىق جەدەل دەن قويۋ كۇشتەرىن نىعايتۋ ماسەلەلەرىنە توقتالعان س.احمەتوۆ اعىمداعى جىلدىڭ تامىز ايىندا ۇجدقك-ءنىڭ «ءوزارا ءىس-قيمىل» وقۋ-جاتتىعۋى وتكىزىلەتىنى تۋرالى حابارلادى.
«ەگەمەن-اقپارات».