جالپىۇلتتىق سوتسيال-دەموكراتيالىق پارتياسىنىڭ اتىنان پرەزيدەنتتىككە كانديدات نۇرلان اۋەسباەۆتىڭ سايلاۋالدى شتابى جۇمىسىن باستادى.
استانادا ۇيىمداستىرۋ كوميتەتىنىڭ وتىرىسى ءوتتى. ءىس-شاراعا ساياسي كەڭەس مۇشەلەرى مەن بەلسەندىلەر قاتىستى.
وتىرىستا اتاپ وتىلگەندەي, سايلاۋالدى شتاب ۇگىت-ناسيحات ناۋقانىن باستاۋعا دايىن. كانديداتتىڭ سايلاۋالدى باعدارلاماسى دايىندالىپ, تاراتىلاتىن ماتەريالداردىڭ, سىرتقى جارنامانىڭ ديزاينى ازىرلەنگەن. وڭىرلەردەگى وزەكتى ماسەلەلەرگە قاتىستى حالىقتىڭ پىكىرىن جيناۋ بويىنشا جۇمىس جۇرگىزىلگەن.
سايلاۋالدى شتابىنىڭ باسشىسى اسحات راحىمجانوۆ ۇگىت الدىنداعى جۇمىستىڭ قورىتىندىلارى تۋرالى حابارلادى. ونىڭ ايتۋىنشا, جسدپ كانديداتىن قولداۋ ماقساتىندا ەلىمىزدىڭ بارلىق وڭىرىندە 121 مىڭنان استام قول جينالعان, ونىڭ 119 مىڭى ەسەپكە الىندى.
جسدپ كانديداتى ءوزىنىڭ ۇگىت-ناسيحات ناۋقانىن قاراعاندى وبلىسىنان باستايدى. ول بۇگىن شاحتينسك قالاسىندا جەرگىلىكتى سايلاۋشىلارمەن كەزدەسۋ وتكىزبەك.
سونداي-اق وتىرىس بارىسىندا شتاب وكىلدەرى الداعى جۇمىس جايىن تالقىلاپ, نەگىزگى ماقساتتار مەن مىندەتتەردى بەلگىلەدى.