ءبىلىم پلاتفورماسىنداعى ونلاين وقۋ

جۋىردا استانا قالاسىندا Digital Bridge 2022 حالىقارالىق فورۋمى بارىسىندا «ەڭبەك رەسۋرستارىن دامىتۋ ورتالىعى» اق پرەزيدەنتى داۋلەت ارعىندىقوۆ جانە Coursera ەۋروپا ەلدەرىندەگى ۇكىمەتتەرمەن ءوزارا ءىس-قيمىل جو­نىندەگى باسشىسى الينا لەون-كوزەنكو ءتيىستى مەموراندۋمعا قول قويعان بولاتىن.

«ىنتىماقتاستىق تۋرالى كە­لىسىم ەڭبەك رەسۋرستارىنىڭ ءبىلىمى مەن داعدىلارىن ارتتىرۋ ءۇشىن مۇمكىندىكتەردى كەڭەيتۋگە, ونىڭ ىشىندە پلاتفورمالاردى ينتەگراتسيالاۋ ارقىلى باعىتتالادى. Coursera جانە Skills Enbەك الاڭ­دارىندا ونلاين-وقىتۋ قازاقستاندىقتارعا ءوز بىلىكتىلىگىن ارت­تىرۋعا, جاڭا داعدىلار الۋعا جانە وزدەرى ءۇشىن جاڭا سالادا مانساپتى باستاۋعا مۇمكىندىك بەرەدى», دەپ حابارلادى داۋلەت ارعىندىقوۆ.

«ەردو» اق ماركەتپلەيس قاعيداتى بويىنشا كۋرستارعا قولجەتىمدىلىك بەرەتىن حالىق­ارالىق الاڭداردىڭ قازاقستاندىق بالاماسى بولىپ سانالاتىن Skills Enbek ونلاين-وقىتۋ پلاتفورماسىن تەحنيكالىق جانە ادىس­نامالىق دامىتۋدى جۇزەگە اسىرادى.

كەز كەلگەن ادام Skills-تە وقۋ­دى باستاي الادى, ال پلاتفور­مادا الىنعان سەرتيفيكاتتار مەن داعدىلار تۇيىندەمەدە ەلەك­ترون­دىق ەڭبەك بيرجاسىندا اۆتوماتتى تۇردە كورسەتىلەدى. پلات­فورما 2021 جىلى ىسكە قوسىلدى جانە ونى دامىتۋ, كۋرستاردىڭ سانى مەن ساپاسىن ارتتىرۋ تۇراق­تى نەگىزدە جۇرگىزىلۋدە.

بۇگىنگى تاڭدا Skills Enbek-تە 109 كاسىپ بويىنشا 157 كۋرس ورنالاستىرىلعان, ونىڭ 72-ءسى تەگىن. تىركەلگەن پايدالانۋشىلار سانى 155 مىڭنان استام ادامعا جەتتى, ال وقۋدى ءساتتى اياقتاپ, 119 مىڭ ادام سەرتيفيكات الدى. وقۋ­دى اياقتاعانداردىڭ ىشىنەن 22 مىڭ ادام جۇمىسسىز تۇلعا مارتەبەسىنە يە.

Coursera-مەن ىنتىماق­تاس­تىقتى قۇرۋ قازاقستان­دىق­تارعا قول­جەتىمدى كۋرستار بازاسىن كەڭەيتۋگە جانە وعان قولجە­تىمدى­لىكتى جەڭىلدەتۋگە مۇمكىندىك بە­رەدى.

Coursera ءبىلىم بەرۋ پلاتفورماسى – ادامدارعا زاماناۋي ءبىلىم مەن وزەكتى داعدىلاردى بەرۋ ماق­ساتىندا الەمنىڭ 250-دەن اس­تام جەتەكشى ۋنيۆەرسيتەتتەرى مەن تەحنولوگيالىق الىپتاردى بىرىك­تىرەتىن الەمدەگى ەڭ ءىرى ءبىلىم بەرۋ ۇيىمى. جىل سايىن Coursera-دا الەمنىڭ 200 ەلىنەن 100 ملن-نان استام ادام وقيدى. قازىرگى ۋاقىتتا پلاتفورمادا 6 مىڭنان استام كۋرستاردان, 700 ماماندىقتان, سونداي-اق جوبالىق وقىتۋدىڭ 3 مىڭ ينتەراكتيۆتى رەسۋرستارىنان تۇراتىن الەمدەگى ەڭ ءىرى ءبىلىم بەرۋ باعدارلامالارىنىڭ كىتاپحاناسى ۇسىنىلعان.