مەديتسينالىق ۇيىمداردىڭ كەمشىلىگى

قور ساراپشىلارى مونيتورينگتى قالاي جۇرگىزەدى جانە مەديتسينالىق كومەك ساپاسىن مونيتورينگتەۋ قورىتىندىسى بويىنشا نە انىقتالدى؟ مەديتسينالىق ۇيىمدار كوبىنەسە قانداي كەمشىلىكتەرگە جول بەرەدى؟ «الەۋمەتتىك مەديتسينالىق ساقتاندىرۋ قو­رى» كەاق ەلوردا فيليالى ءباسپاسوز قىز­مە­تىنىڭ حابارلاۋىنشا, تۇرعىندار كوبىنە مەديتسينالىق قىزمەت ساپاسىنا, قىزمەتتەردى كوپ كۇتۋ جاعدايلارىنا, كونسۋلتاتيۆتىك-دياگنوستيكالىق قىزمەتتەردىڭ قولجە­تىم­سىز­دىگىنە (قۇرال-جابدىقتاردىڭ بول­ماۋى, كەزەكتى كوپ كۇتۋ, جولداما بەرمەۋ, كادر جە­تىس­پەۋ), مەديتسينالىق كومەك كور­سە­تۋدەن, اۋرۋحاناعا جاتقىزۋدان باس تارتۋ, ت.ب. شا­عىمدانادى. ولاردىڭ كوپشىلىگى, تۇر­عىن­دار­عا مەديتسينالىق كومەك كورسەتۋدى دۇرىس ۇيىمداستىرۋعا قاتىستى, ياعني سول جەردە مە­ديتسينا ۇيىمدارىندا شەشىمىن تابۋى ءتيىس ماسەلەلەر.

پروتسەستەردى تسيفرلاندىرۋ ادام فاك­تورى­نىڭ ىقپالىن بارىنشا ازايتادى, جۇمىسىن دۇرىس اتقارمايتىن قىزمەت جەتكىزۋشىلەردىڭ جالعان جازبا تولتىرىپ, كوزبوياۋشىلىق جاساۋىنا مۇمكىندىك بەرە قويمايدى. ويتكەنى IT قۇرالدارىن قولدانۋ مەديتسينالىق ۇيىم تاراپىنان ءاربىر قادامدى, پاتسيەنتكە قاتىستى ءاربىر ارەكەتتى قاعاز بەتىنە شىقپاي-اق ەلەكتروندى فورماتتا قاداعالاۋعا مۇمكىندىك بە­رە­دى. ەنگىزىلگەن اقپاراتتىڭ دۇرىستىعىن تەك­سە­رەتىن فورماتتى-لوگيكالىق باقىلاۋلار قور ساراپشىلارىنا كومەككە كەلەدى. ورىن ال­عان كەمشىلىكتەر ساراپشىلار تاراپىنان راس­تال­عان­نان كەيىن (نەمەسە قابىلدانباعاننان كەيىن) عانا مەديتسينالىق ۇيىمدارعا اقى تولەنەدى.

بۇگىندە قور مەديتسينالىق كومەكتىڭ ساپاسىن باعالاۋ مونيتورينگىنىڭ ءار ءتۇرىن, قاجەت بولسا مەديتسينالىق ۇيىمدارعا بارا وتىرىپ, اعىمداعى نەمەسە جوسپارلى, ماقساتتى, پرو­اكتيۆتى جانە جوسپاردان تىس مونيتورينگ جۇرگىزەدى. نازار اۋداراتىن دۇنيە, جوسپاردان تىس مونيتورينگ كەرى بايلانىستىڭ رەسمي ارنالارى ارقىلى پاتسيەنتتەردىڭ وزدەرىنەن تۇسكەن شاعىمدار مەن وتىنىشتەر نەگىزىندە عانا جۇرگىزىلەدى. ءاربىر وسىنداي سۇراۋدى قور ساراپشىلارى پاتسيەنتتىڭ تاريحىن تولىق تالداي وتىرىپ جانە وعان ۇسىنىلاتىن مەديتسينالىق كومەكتىڭ ساپاسىن باعالاي وتىرىپ, جەكە تارتىپپەن قا­راپ, پىسىقتايدى. ەگەر شاعىم نەگىزدىلىگى دالەلدەنسە جانە مەديتسينالىق ۇيىم تاراپىنان بۇرمالاۋشىلىقتار انىقتالسا, قور ەكونوميكالىق ىقپال ەتۋ شارالارىن قولدانادى.

استانا قالاسى بويىنشا 2022 جىلدىڭ 6 ايىن­دا كورسەتىلگەن مەديتسينالىق قىزمەت ساپاسى مەن كولەمىنە جۇرگىزىلگەن ءتۇرلى مونيتورينگتەر اياسىندا 30 938 كەمشىلىك (دەفەكت) انىقتالىپ, 778 ملن 861 مىڭ تەڭگە الىندى. ونىڭ ىشىندە, تەگىن مەديتسينالىق كەپىلدەندىرىلگەن كومەك كولەمى (تمككك) اياسىندا 429 ملن 570 مىڭ تەڭگە سوماسىنا 3 980 كەمشىلىك انىقتالدى. مىندەتتى الەۋمەتتىك مەديتسينالىق ساقتاندىرۋ جۇيەسىندە 349 ملن 291 مىڭ تەڭگە سوماسىنا 26 796 كەمشىلىك انىقتالدى.

سونداي-اق قوردىڭ استانا قالاسى بويىنشا فيليالىنىڭ مەديتسينالىق قىزمەت ساپاسى مەن كولەمىن مونيتورينگىلەۋ ءبولىمى جوسپاردان تىس مونيتورينگ بويىنشا 106 قورىتىندى جاسادى, ونىڭ 17-ءسى نەگىزدى شاعىم ەكەنى دالەلدەندى. جوسپاردان تىس تەكسەرىس ناتيجەسىندە الىنعان سوما 7 ملن 379 مىڭ تەڭگەنى قۇرادى.

اقپاراتتىق جۇيەلەردەن الىنعان مالى­مەت­تەر بويىنشا, جوسپارلى ەمدەۋگە جات­قىزۋدى كۇتۋ مەرزىمى بويىنشا وتكەن جىلدىڭ سايكەس كەزەڭىمەن سالىستىرعاندا 1,5%-عا وسكەنى بايقالادى.

وتكەن جىلمەن سالىستىرعاندا, 2022 جىلى وتا جاساۋ كورسەتكىشى 9,8%-عا ءوستى. تەك جوعارى تەحنولوگيالىق مەديتسينالىق كو­مەك قولدانۋ ارقىلى ءمامس بويىنشا 10,2 ملرد تەڭگە سوماسىنا قوسىمشا 3 888 قىزمەت كورسەتىلدى. كارديولوگيا بويىنشا 1 218 پاتسيەنت ەمدەلگەن, كارديوحيرۋرگيالىق وپەراتسيا 649 پاتسيەنتكە جاسالسا (قان اينالىمى جۇيەسى اۋرۋلارى – 1 060), 223 ادامعا نەيروحيرۋرگيالىق وپەراتسيا, 92 پاتسيەنتكە ورتوپەديالىق, نەسەپ-جىنىس جۇيەسى اۋرۋلارى – 977, ال 217 پاتسيەنتكە اس قورىتۋ سىرقاتتارى بويىنشا وپەراتسيا جاسالدى.

بارلىعى 28 972 پاتسيەنتكە ەم جۇرگىزىلگەن, ونىڭ ىشىندە ءبىر جاسقا دەيىنگى بالالار – 7 453, 1-14 جاستاعى بالالار – 19 622, 15-17 جاس ارالىعىنداعى جاسوسپىرىمدەر – 1 697. 172 بالاعا جوعارى تەحنولوگيالىق مەديتسينالىق كومەك كورسەتىپ, ستاتسيوناردا ەمدەلدى.

0-28 كۇندىك 3 194 نارەستەگە 1 ملرد 414 مىڭ تەڭگە سوماسىنا مەديتسينالىق كومەك كورسەتىلدى, ونىڭ ىشىندە 171 بالاعا 241 ملن 591 مىڭ تەڭگە سوماسىنا, ونىڭ ىشىندە 24 بالاعا 68 ملن 125 مىڭ تەڭگە سوماسىنا جوعارى تەحنولوگيالىق مەديتسينالىق كومەك ارقىلى جۇرەككە وپەراتسيا جاسالىپ, وڭالتۋدىڭ ءبىرىنشى ساتىسىنان وتكەن. 17 بالاعا ارنايى مەديتسينالىق كومەك ارقىلى 31 ملن 725 مىڭ تەڭگە سوماسىنا وپەراتسيا جاسالدى.

ء«بىزدىڭ ساراپشىلار مەديتسينالىق قىز­مەت­تىڭ قولجەتىمدى بولۋى جانە ساپاسىنىڭ جاق­­سارۋى ءۇشىن, ياعني پاتسيەنت قۇقىعى ساق­تالۋى ءۇشىن تۇراقتى جۇمىس جۇرگىزەدى. قور­مەن تمككك شەڭبەرىندە جانە ءمامس جۇيەسىندە مەديتسينالىق قىزمەتتەر كورسەتۋگە شارت جاساي وتىرىپ, مەديتسينالىق ۇيىم حالىققا ساپالى مەديتسينالىق كومەك كورسەتۋ جانە ونىڭ قولجەتىمدىلىگىن قامتاماسىز ەتۋ ءۇشىن جاۋاپكەرشىلىكتى وزىنە الادى. جەت­كىزۋ­شىگە قويى­لاتىن بۇل تالاپتار شارتتا جەكە تارماق­پەن بەلگىلەنگەن جانە ولاردىڭ ورىن­دالۋى قور تاراپىنان باقىلانادى», دەپ اتاپ ءوتتى مەديتسينالىق ساقتاندىرۋ قورىنىڭ ەلوردا فيليالىنىڭ ديرەكتورى ن.قابدىقاپاروۆ.