جالدامالى قىزمەتكەرلەردىڭ جالاقىسى قانشا؟

2020 جىلمەن سالىستىرعاندا كاسىپكەرلىك قىزمەتپەن اينالىساتىن شاعىن كاسىپورىنداردى ەس­كەر­گەندەگى ورتاشا ايلىق جالا­قى­نىڭ ەڭ كوپ ءوسۋى دەن­ساۋ­لىق ساقتاۋ جانە حالىققا الەۋمەتتىك كومەك كورسەتۋ سالاسىندا بايقالدى – 29,7%, ءبىلىم بەرۋ سالاسىندا – 24,1%, قارجى جانە ساق­تان­دى­رۋ قىزمەتىندە – 21,1%, وزگە دە قىزمەت تۇرلەرىن ۇسىنۋ سالاسىن­دا – 21,2%.

سالا­لىق قۇرىلىمدا ەڭ جو­عا­رى اتاۋلى جالاقى تاۋ-كەن ءوندىرۋ ونەركاسىبىندە جانە كارەرلەردى قازۋدا – 477,1 مىڭ تەڭگە (ورتاشا رەسپۋبليكالىق دەڭگەيدەن 2,1 ەسە جوعارى), قارجى جانە ساقتاندىرۋ قىزمەتىندە – 437,1 مىڭ تەڭگە (1,9 ەسە), اقپارات جانە بايلانىس قىزمەتىندە – 330,1 مىڭ تەڭگە (1,4 ەسە), كاسىبي, عىلىمي جانە تەح­ني­كالىق قىزمەتتە – 305,8 مىڭ تەڭگە (تيىسىنشە 1,3 ەسە).

كاسىپكەرلىك قىزمەتپەن اينا­لى­سا­تىن شاعىن كاسىپورىنداردى ەسەپ­­كە العاندا ورتاشا ايلىق اتاۋ­لى جالاقىنىڭ تومەن دەڭگەيى اۋىل, ورمان جانە بالىق شارۋاشىلىعى سالالارىندا – 135 430 تەڭگە جانە ونەر, ويىن-ساۋىق جانە دەمالىس سالالارىندا – 155 524 تەڭگە.

وڭىرلەر بولىنىسىندە ەڭ جو­عا­رى ورتاشا ايلىق جالاقى كاسىپكەرلىك قىزمەتپەن اينالىساتىن شاعىن كاسىپورىنداردى ەسەپكە العاندا اتىراۋ وبلىسىندا 379 901 تەڭگە بولىپ شىقتى. شىمكەنت قالاسىندا ونىڭ شاماسى 170 397 تەڭگەنى قۇرادى, بۇل ەل بويىنشا ورتاشا دەڭگەيدەن 26,4%-عا تومەن.

ەسكە سالا كەتەيىك, وڭىرلەر بويىنشا شاعىن كاسىپورىنداردى ەسەپكە الماعانداعى ورتاشا ايلىق اتاۋلى جالاقى مولشەرى 2021 جىلى 250 311 تەڭگەنى قۇرادى.

بيۋرو پايدالاناتىن ورتاشا ايلىق جالاقىنى ەسەپتەۋ ادىستەمەسى حالىقارالىق ەڭبەك ۇيىمىنىڭ ستاندارتتارى مەن ءادىسناماسىنا سايكەس كەلەدى. ور­تاشا ايلىق جالاقى تۋرالى دەرەكتەر كاسىپورىنداردىڭ توقسان سايىنعى جانە جىلدىق ستا­تيستيكالىق ەسەپتىلىگى نەگى­زىن­دە ەسەپتەلەدى. ءبىر قىزمەت­كەر­دىڭ ورتاشا ايلىق اتاۋلى جالاقىسى قوسىمشا اقىلاردى, ۇستەماقىلاردى, سىياقىلاردى, سونداي-اق سالىقتارمەن باسقا دا ۇستالىمداردى (تابىس سالىعى, مىندەتتى زەينەتاقى جارنالارىن) ەسەپك­ە الا وتىرىپ قالىپ­تاس­تى­رى­لادى.