STADA Health Report-2022: ەل مەديتسيناسىنا سەنىم باسىم

كەيىنگى سەگىز جىل ىشىندە STADA جىل سايىن ەۋروپانىڭ ءارتۇرلى ەلدەرىندەگى ادامداردىڭ دەنساۋلىعىنا قاتىستى ماسەلەلەردى قاراستىراتىن كەڭەيتىلگەن Health Report شىعارادى. بيىل ەسەپكە العاش رەت قازاقستان قوسىلدى. وسى جىلدار ىشىندە STADA Health Report دەنساۋلىق ساقتاۋ سالاسىنداعى ەڭ بەدەلدى جانە اۋقىمدى ەۋروپالىق زەرتتەۋلەردىڭ ءبىرى بولدى. زەرتتەۋ قوعامدىق دەنساۋلىق ساقتاۋ سالاسىنداعى ماماندارعا, جۋرناليستەرگە جانە قاراپايىم ازاماتتارعا جاھاندىق جانە جەرگىلىكتى بولىمدەردە ادامداردىڭ ءوز دەنساۋلىعىنا دەگەن كوزقاراسى قالاي وزگەرەتىنىن, ءوز ەلىنىڭ دەنساۋلىق ساقتاۋ جۇيەسىن قالاي باعالايتىنىن, وسى سالادا قانداي جاڭا تەندەنتسيالار مەن ماسەلەلەر پايدا بولاتىنىن كورۋگە كومەكتەسەدى. بيىل زەرتتەۋگە 30 مىڭنان اسا ادام قاتىستى.

«STADA فارماتسەۆتيكالىق كومپانياسى قازاقستاندا 2002 جىلدان باستاپ جۇمىس ىستەيدى. IQVIA دەرەكتەرى بويىنشا, 2021 جىلدىڭ قورىتىندىسىنا سايكەس ءبىزدىڭ كومپانيا Consumer Healthسare (رەتسەپتۋراسىز قۇرالدار, ۆيتاميندەر, ببق) سەگمەنتىندە نارىقتا ەكىنشى ورىن الادى. ءبىز نارىقتاعى جەتەكشى ۇستانىمدارىمىزدى ماقتان تۇتىپ قانا قويماي, سونداي-اق سالانى دامىتۋ جانە قازاقستاننىڭ دەنساۋلىق ساقتاۋ جۇيەسىن نىعايتۋعا ۇلەس قوسۋ ءۇشىن ءوز جاۋاپكەرشىلىگىمىزدى سەزىنەمىز. بۇگىن ءبىز STADA Health Report ءتورتىنشى اۋقىمدى زەرتتەۋىنىڭ ناتيجەلەرىمەن ۇلتتىق دەنساۋلىق ساقتاۋ جۇيەسىن نىعايتۋ بويىنشا ودان ءارى جۇمىس ىستەۋ ءۇشىن بولىسەمىز, وسىلايشا ءوز ميسسيامىزدى – ادامداردىڭ دەنساۋلىعىنا قامقورلىق جاساۋدى ۇستا­نا­مىز», دەدى تمد ەلدەرى بو­يىنشا STADA ديرەكتورى ارميناس ماتسەۆيچۋس.

تومەندە STADA Health Report 2022 زەرتتەۋىنىڭ كەيبىر دەرەكتەرى كەلتىرىلگەن. مىسالى, قازاقستاندىقتاردىڭ باسىم بولىگى رەسمي مەديتسيناعا سەنەدى. ەكى پاندەميالىق جىل ىشىندە اق حالاتتى ادامدار كوپتەگەن ادامنىڭ ءومىرىن ساقتاپ قالدى جانە قوعام ونى بايقاماي قالمادى. ساۋالداماعا قاتىسقان قازاقستان تۇرعىندارىنىڭ 61%-ى رەسمي مەديتسيناعا, ياعني ەمحانا­لار مەن ستاتسيونارلاردا كورسەتىلەتىن قىز­مەتتەرگە سەنەدى. رەسمي مەديتسيناعا سەنەتىن قازاقستان تۇرعىندارىنىڭ 35%-ى عالامتورداعى اقپاراتتى قايتا تەكسەرەدى. رەسپوندەنتتەردىڭ تاعى 17%-ى ەمدەۋدىڭ بالاما ادىستەرىن (مىسالى, گومەوپاتيا جانە اكۋپۋنكتۋرا) بىلگىسى كەلەتىندەرىن مويىندادى. سونىمەن قاتار 47% قازاقستاندىقتار دەنساۋلىق ماسەلەسىندە عالىمدارعا سەنىم ارتادى.

بۇل زەرتتەۋلەر قازاقستاندىقتاردىڭ دەنساۋلىق ماسەلەسىندە كوبىنە عالىمدارعا سەنىم ارتاتىنىن كورسەتەدى, بۇل كورسەتكىش 47%-عا جەتتى. ەكىنشى ورىندا – تەراپەۆتتەر (41%). سەنىم ارتۋ دەڭگەيى بويىنشا كوشباسشىلار ۇشتىگىنە ەپيدەميولوگتەر دە (40%) كىردى. ال قازاقستانداعى رەسپوندەنتتەردىڭ ءاربىر ۇشتەن ءبىرى فارماتسەۆتەرگە سەنەدى. ەۋروپالىقتار عالىمداردى رەيتينگتە ەكىنشى ورىنعا اۋىستىرعان (61%) جالپى تاجىريبەلىك دارىگەرلەرگە (65%) كوبىرەك سەنىم ارتادى. ءۇشىنشى ورىنعا 60% كورسەتكىشپەن باسقا مەديتسينا قىزمەتكەرلەرى (تەراپەۆت دارىگەردەن باسقا), اۋرۋحانا قىزمەتكەرلەرى جانە كىشى مەديتسينا قىزمەتكەرلەرى شىقتى. فارماتسەۆتەردىڭ اقپاراتىنا ەۋروپالىقتاردىڭ 57%-ى سەنەدى.

كەيىنگى ەكى جىل ىشىندە الەمنىڭ بارلىق ەلدىڭ دەنساۋلىق ساقتاۋ جۇيەلەرى ۇلكەن جۇك­تەمەگە تاپ بولدى. قازاقستاندىق رەس­پوندەنتتەردىڭ 58%-ى جانە سۇرالعان ەۋرو­پالىقتاردىڭ 57%-ى پاندەميا كە­زىن­دە ەمدەلۋدە قيىندىقتارعا تاپ بول­عا­نىن اتاپ وتكەنى تاڭعالارلىق ەمەس. قازاقستاندىقتاردىڭ 30%-ى (ەۋروپا بو­يىنشا ورتاشا كورسەتكىش 22%) دارى­گەر­گە دەر كەزىندە جازىلا المادى. قازاق­ستان­دىق­تاردىڭ 28%-ى جەتكىزۋدەگى ىركىلىستەرگە بايلانىستى ءدارىحانادا قاجەتتى ءدارى-دارمەكتەردى تابا الماعانىن ناقتىلادى (ەۋروپا بويىنشا ورتاشا كورسەتكىش – 10%). قازاقستان تۇرعىندارىنىڭ 12%-ى­ جانە ەۋروپا تۇرعىندارىنىڭ 22%-ى اۋرۋدى جۇقتىرىپ الۋدان قورقىپ, دا­رى­گەر­گە بارۋدى كەيىنگە قالدىردى نەمەسە توقتاتتى. قازاقستاندىقتاردىڭ تاعى 16%-ى قارجىلىق قيىندىقتارعا بايلانىستى ءدارى-دارمەك ساتىپ الا المادى, ال ساۋالداماعا قاتىسۋشى ەۋروپالىقتاردىڭ وندايى تەك 6% بولدى. پاندەميا كەزىندە ادامدار اراسىنداعى قاشىقتان بايلانىس قارقىندى دامىدى. تەلەمەديتسينا جاھاندىق ترەندكە اينالۋدا. مۇنى STADA Health Report زەرتتەۋىنىڭ ناتيجەلەرى دە راستاپ وتىر. دالىرەك ايتساق, قازاقستان تۇرعىندارىنىڭ ۇشتەن ەكىسى (68%) دارىگەردىڭ كۇردەلى ەمەس نەمەسە قايتالانعان اۋرۋلار كەزىندە web-ينتەرفەيس ارقىلى ولارعا كونسۋلتاتسيا بەرۋىنە مۇمكىندىك بەردى. بۇل كورسەتكىش ورتاشا ەۋروپالىق كورسەتكىشتەن (64%) اسىپ ءتۇستى.