ورتالىق سايلاۋ كوميسسياسى ءباسپاسوز قىزمەتىنىڭ حابارلاۋىنشا, 2022 جىلعى 8 ماۋسىمدا ورتسايلاۋكوم جاڭا اۋماقتىق سايلاۋ كوميسسيالارىن قۇردى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 10-بابىنىڭ 3-تارماعىنا جانە «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى» 2022 جىلعى 3 مامىرداعى №887 پرەزيدەنتتىڭ جارلىعىنا سايكەس, ورتالىق سايلاۋ كوميسسياسى №48/507, №48/508, №48/509, №48/510 قاۋلىلارى ارقىلى اباي, جەتىسۋ, ۇلىتاۋ وبلىستارىنىڭ, سونداي-اق اباي وبلىسى اقسۋات اۋدانىنىڭ جانە شىعىس قازاقستان وبلىسى سامار اۋدانىنىڭ اۋماقتىق سايلاۋ كوميسسيالارىن قۇردى.
وسىلايشا جاڭادان قۇرىلىپ وتىرعان 5 سايلاۋ كوميسسياسىن ەسەپكە العاندا, ەلىمىزدىڭ سايلاۋ جۇيەسىندە 239 اۋماقتىق سايلاۋ كوميسسياسى جۇمىس ىستەۋدە.