ەۋروپالىق وداق قازاقستاندا 5 ماۋسىم, جەكسەنبى كۇنى وتكەن كونستيتۋتسيالىق رەفەرەندۋمنىڭ ناتيجەلەرىن نازارعا الادى. بۇل رەفەرەندۋمدا قازاقستان حالقى ەلدەگى دەموكراتيانى نىعايتۋعا باعىتتالعان ماڭىزدى كونستيتۋتسيالىق تۇزەتۋلەردى قولدادى.
ەو قازاقستاندا قاڭتارداعى قايعىلى وقيعالاردان كەيىن باستالعان الەۋمەتتىك-ەكونوميكالىق رەفورمالارمەن قوسا, 16 ناۋرىزدا پرەزيدەنت ق.توقاەۆ باستاعان ساياسي رەفورمالاردى قۇپتايدى. ءبىز, سونداي-اق, حالىقپەن تىكەلەي كونسۋلتاتسيالار وتكىزۋ جانە رەفەرەندۋم بارىسىن قاداعالاۋ ءۇشىن ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋرونى شاقىرۋ جونىندەگى شەشىمدى قۇپتايمىز. بولاشاقتا قازاقستان ءۇشىن ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋرونىڭ ۇسىنىمدارىن تولىق ورىنداۋ اسا ماڭىزدى.
قازاقستان ەۋروپالىق وداق ءۇشىن ماڭىزدى ءارى قۇندى ارىپتەس بولىپ قالا بەرەدى. ءبىز بەيبىت جينالىستاردىڭ, اشىق پىكىر ءبىلدىرۋ مەن قاۋىمداستىقتىڭ نەگىزگى ەركىندىكتەرىن قوسا العاندا, كەڭەيتىلگەن ارىپتەستىك پەن ىنتىماقتاستىق تۋرالى كەلىسىمىمىزدىڭ مىندەتتەمەلەرىن ورىنداۋ, سونداي-اق بايلانىستارىمىزدى, ساۋدا جانە ىنتىماقتاستىعىمىزدى دامىتۋ ءۇشىن بىرلەسە جۇمىس ىستەيمىز.
پيتەر ستانو,
سىرتقى ىستەر جانە قاۋىپسىزدىك ساياساتى جونىندەگى جەتەكشى ءباسپاسوز حاتشىسى