ايىرتاۋ اۋداندىق جۇمىسپەن قامتۋ ورتالىعىنىڭ ديرەكتورى ا. ءجۇسىپوۆانىڭ «جۇمىسپەن قامتۋ-2020» باعدارلاماسى شەڭبەرىندە بولىنگەن قارجىنى زاڭسىز پايدالاندى دەگەن قىلمىستىق كىناسى دالەلدەندى.
تەرگەۋ بارىسى كورسەتكەندەي, 2012 جىلدىڭ ساۋىرىندە ايىرتاۋ اۋدانى اكىمدىگىنىڭ قاۋلىسىمەن الەۋمەتتىك جۇمىس ورىندارىن ۇيىمداستىرۋدى ۇسىنعان جەتى كاسىپورىن جۇمىس بەرۋشى رەتىندە بەكىتىلگەن. الايدا, جۇمىسپەن قامتۋ ورتالىعىنىڭ باسشىسى قىزمەتتىك وكىلەتتىگىن اسىرا پايدالانىپ, جۇمىسسىزداردى الەۋمەتتىك جۇمىس ورىندارىمەن قامتيتىندىعى, ال جۇمىسقا ورنالاسۋشىلاردىڭ ەڭبەكاقىسى مەملەكەتتىڭ ەسەبىنەن ءىشىنارا تولەنەتىندىگى جايلى زاڭسىز كەلىسىمشارت جاساعان.
سونىمەن بىرگە, ديرەكتور «حالىقتى جۇمىسپەن قامتۋ تۋرالى» زاڭنىڭ ءتيىستى تالاپتارىن ورەسكەل بۇزۋ ارقىلى تولەۋگە بەرىلەتىن شوتتارعا قول قويىپ, كاسىپورىنداردىڭ ەسەپشوتتارىنا «الەۋمەتتىك جۇمىسقا ورنالاسقان ازاماتتاردىڭ» اقپان جانە ناۋرىز ايلارىنىڭ ەڭبەكاقىسى رەتىندە 1,87 ميلليون تەڭگە اقشا اۋدارعان. اقيقاتىنا كەلسەك, بۇل ۋاقىت ارالىعىندا بيۋدجەت قارجىسى اۋدارىلعان 36 ادام جۇمىسسىز رەتىندە ەسەپتە تۇرماعان. ولار, ءتىپتى, مەملەكەتتىك باعدارلامانىڭ قاتىسۋشىسى دا بولماي شىققان.
وسى كەزەڭدە ديرەكتور كورسەتىلگەن قىزمەت جونىندە 9 جالعان قۇجاتقا قول قويعان. بۇل اكتىلەردە دە ازاماتتاردىڭ الەۋمەتتىك جۇمىس ورىندارىندا ەڭبەك ەتىپ جاتقاندىعى تۋرالى جالعان اقپارات كورسەتىلگەن.
وسىلايشا جالعان قۇجاتتار جاساۋ ارقىلى جالعاندى جالپاعىنان باسپاق بولعان كۇدىكتىنىڭ قىلمىسى بۇلتارتپاس ايعاقتارمەن دالەلدەندى.
نۇرلان جاحين,
ەكونوميكالىق قىلمىسقا جانە سىبايلاس
جەمقورلىققا قارسى كۇرەس دەپارتامەنتىنىڭ
ءباسپاسوز حاتشىسى.
سولتۇستىك قازاقستان وبلىسى.