جىل سايىنعى وقۋ ماۋسىمى اياقتالاردا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە “كۇلتەگىن كۇندەرى” ءوتكىزىلەدى. بۇل مادەني ءىس-شارا ۋاقىت وتكەن سايىن قوعامدىق سيپات الىپ كەلەدى دەسەك قاتەلەسپەيمىز. ونىڭ ناقتى دالەلىن اتالمىش وقۋ ورنىنداعى اپتالىققا ستۋدەنتتەر مەن وقىتۋشىلاردان باسقا قوعام قايراتكەرلەرى, حالقىمىزدىڭ قالاۋلى, ەلگە ەڭبەكتەرى سىڭگەن ازاماتتاردىڭ قاتىسقاندارىنان انىق بايقايمىز.
بۇرناعى كۇنى ۋنيۆەرسيتەتتەگى “كۇلتەگىن كۇندەرىنىڭ” اياسىندا فيلولوگيا فاكۋلتەتىندە اتاقتى تۇركىتانۋشى عالىم, ەۋرازيا يدەياسىنىڭ باستاۋىندا تۇرعان ءىرى تۇلعا لەۆ گۋميلەۆكە ارنالعان شىعارماشىلىق كەش وتكىزىلدى.
جيىننىڭ العاشقى ءسوزىن ۋنيۆەرسيتەتتىڭ عىلىمي جۇمىستار جونىندەگى پرورەكتورى بەسىنباي راحمەتقازى: ء“تول تاريحىمىزدىڭ تامىرى تەرەڭدە ەكەندىگىن كۇلتەگىن ەسكەرتكىشى دالەلدەدى. ۇلتتىق رۋحاني قۇندىلىقتار جۇيەسىن ۇلتتىق يدەولوگيامىزدىڭ تۇعىرىنا اينالدىرۋ ىستەرى ءبىز ءۇشىن اسا ماڭىزدى. ءبىزدىڭ ۋنيۆەرسيتەتىمىز ۇلت تاريحىنىڭ ىرگەتاسى بولىپ سانالاتىن كونە تۇركى مۇرالارىن زەرتتەپ, ونى حالىق يگىلىنە جاراتۋداعى عىلىمي ورتالىققا اينالۋى ءتيىس. ل.ن.گۋميلەۆ ەۋرازيا كەڭىستىگىندەگى حالىقتاردىڭ تاريحىن, مادەني قۇندىلىعىن الەمگە تانىتۋدا ەلەۋلى ەڭبەك سىڭىرگەن تۇلعا”, – دەپ باستادى.
كەش بارىسىندا سونداي-اق وسى جوعارى وقۋ ورنىنداعى كافەدرا مەڭگەرۋشىسى عادىلبەك شالاحمەتوۆتىڭ ل.ن.گۋميلەۆ تۋرالى جازعان “جيۆيا ۆ چۋجيح سلوۆاح” اتتى كىتابىنىڭ تانىستىرىلىمى بولدى. كىتاپتىڭ تۇساۋكەسەر ءراسىمىندە اۆتور ءوزىنىڭ اتاقتى عالىممەن بىرگە قىزمەت ىستەگەن كەزەڭدەرىنەن كوپتەگەن ەستەلىكتەر كەلتىرە كەلە ءوز سوزىندە: “كۇلتەگىن ەسكەرتكىشىنىڭ ۇستىن تاسىندا ءبىزدىڭ قازىرگى قوعامىمىزعا كەرەك, بولاشاققا ۇلكەن باعدار سىلتەيتىن تىڭ يدەيالار جازىلعان. بۇل ءبىز ءۇشىن تەك قانا تاريحي ەسكەرتكىش ەمەس, كەشەگىمىز بەن بۇگىنگىمىزدى ءبىر-بىرىمەن ساباقتاستىراتىن, سونىمەن قاتار ەرتەڭىمىزگە دە تەلەگەي-تەڭىز ءتالىم بەرەتىن رۋحاني قۇندىلىق. ال ل.ن.گۋميلەۆ تۋرالى ايتار بولسام, ول كىسىنىڭ ءبىزدىڭ تۇركى جۇرتشىلىعىنا, اسىرەسە قازاق حالقىنىڭ رۋحاني وركەنيەتتىلىگىنە قوسقان ۇلەسىن ەشقاشان دا ۇمىتپاۋىمىز كەرەك. بۇل ازاماتتىق تا, ادامدىق تا بورىشىمىز”, – دەدى.
كەشتە عۇلاما عالىمنىڭ كىتاپ كورمەسى دە ۇيىمداستىرىلىپ, سوڭىندا ونىڭ ءومىرى مەن شىعارماشىلىعىنان تۇراتىن تەاترلاندىرىلعان كورىنىستەر قويىلدى.
اراي ۇيرەنىشبەكقىزى.