دالا توسىندەگى ءدۇبىر

اۋىل شارۋاشىلىعى مي­نيس­­تر­لىگى وسىمدىك شارۋا­شى­لىعى دە­پار­تامەنتىنىڭ ديرەكتورى ازات سۇل­تانوۆتىڭ ايتۋىن­شا, ەگىس ناۋ­قانىن وڭتايلى جانە ۋاقتىلى وتكىزۋ ءۇشىن مەم­لەكەت تاراپىنان ءتيىستى شارالار قابىلدانعان. بيىل شار­ۋالارعا بۇرىن-سوڭدى بول­ما­عان كومەك كورسەتىلىپ جاتىر.

– پرەزيدەنت قاسىم-جومارت توقاەۆ­تىڭ تاپسىرماسى­نا ساي­كەس, اۋىل شارۋا­شى­لى­عىن قارجى­لان­دى­رۋ كولەمى ۇل­عاي­­تىل­دى. بۇل ەلدىڭ ازىق-تۇ­لىك قاۋىپسىزدىگىن ساپالى قام­تاماسىز ەتۋگە مۇمكىندىك بەرەدى. اگروونەركاسىپ كەشەنىن مەم­لەكەتتىك قول­داۋعا بولىنگەن قوسىمشا قاراجاتتى ەسكەرە وتىرىپ, رەسپۋبليكالىق بيۋد­جەت­تى ناقتىلاۋ ناتيجەلەرى بويىنشا 449 ملرد تەڭگە كوز­دەل­گەن, – دەدى ا.سۇلتانوۆ.

ءبىر عانا وسىمدىك شارۋا­شى­لى­عىنىڭ وزىنە 107,2 ملرد تەڭگە با­عىتتالادى. سون­داي-اق الەۋ­مەت­تىك نان ءوندىرىسىنىڭ ما­ڭىز­­دى­لى­عىن ەسكەرە وتىرىپ, استىقتى سۋبسيديالاۋ ءۇشىن 9,2 ملرد تەڭگە كوزدەلگەن.

اكىمدىكتەردىڭ دەرەكتەرىنە سۇيەنسەك, بيىل جالپى ەگىس الاڭى 23 ملن گەكتاردى قۇراپ وتىر. بۇل بىلتىرعى دەڭگەيدەن 105 مىڭ گەكتارعا كوپ.

سونداي-اق بيىل جەمشوپ داقىل­دا­رى­نىڭ الاڭىن 3,6 ملن گەكتارعا ۇلعايتۋ جوسپارلانىپ وتىر. بۇل جەمشوپتى كوبىرەك ون­دىرۋگە جانە مۇق­تاج وڭىرلەردى قام­­تا­ماسىز ەتۋگە مۇمكىندىك بەرە­دى. سونى­مەن قاتار كارتوپ, كۇن­باعىس, كوكونىس, ياعني الەۋ­مەت­تىك دا­قىل­­دار ەگىلەتىن القاپتار دا ۇل­­عايتىلدى. وسى جىلدىڭ ونى­­مىنە ەگىس ناۋقانىن جۇرگىزۋ ءۇشىن 2,3 ملن توننا تۇقىم سەبىلدى.

– ەگىس جۇمىستارى بارلىق وب­لىستا قىزۋ جۇرگىزىلىپ جاتىر. اتاپ ايتقاندا, ازىرشە 2,9 ملن گەكتارعا جازدىق داقىلدار, ونىڭ ىشىندە 1,5 ملن گەكتارعا مايلى دا­قىلدار, 231,2 مىڭ گەكتارعا دان­دىك جۇگەرى, 309,6 مىڭ گەكتارعا كوپ­جىلدىق شوپ­تەر, 133,4 مىڭ گەك­تا­ر­عا كار­توپ, 128,7 مىڭ گەك­تار­عا كو­كونىس ەگىلدى, – دەدى دەپارتامەنت ديرەكتورى.

اۋىل شارۋاشىلىعى تاۋار وندىرۋ­شى­لە­رىن تىڭايت­قىش­تارمەن قامتاماسىز ەتۋ جۇمىستارى دا ويداعىداي. بيىل بارلىعى 670 مىڭ توننادان استام تىڭايتقىش ەن­گى­زۋ جوسپارلانعان. قازىر 308,1 مىڭ توننا نەمەسە جوس­پار­دىڭ 46 پايىزى تيەلدى.

– ۇكىمەت قولداۋى ارقى­لى وتان­د­ىق مي­نەرالدى تىڭايت­قىش­­تاردى ون­دى­رۋ­شى­لەرمەن اگرا­ري­لەردىڭ قاجەت­تى­لىك­تەرىن قام­تا­­ماسىز ەتۋ تۋرالى ۋاعدا­لاس­­تىققا قول جەتكىزىلدى. اممياك سەليترا­سىنىڭ باعاسى 200 مىڭ تەڭ­گە­دەن 160 مىڭ تەڭ­گەگە دەيىن تو­مەندەدى. تىڭايت­قىش­تار باعا­سىن تومەن­دەتۋ بويىنشا قوسىم­شا جۇمىستار جالعاسۋدا, – دەپ ناقتىلادى ول.

قازىرگى ەگىس ناۋقانىنا 144 مىڭ تراكتور, 4,7 مىڭ بىرلىك جوعارى ءونىمدى ەگىس كەشەنى, 77 مىڭ بىرلىك استىق سەپكىش, 221 مىڭ باسقا دا توپىراق وڭدەۋ قۇرالدارى قولدانىلۋدا.

ەگىس جۇمىستارىن جۇرگىزۋ ءۇشىن 400,2 مىڭ توننا ديزەل وتىنى ءبولىندى. بىلتىر 380 مىڭ توننا قاراستىرىلعان ەدى. سونداي-اق بيىل كوكتەمگى دالا جۇمىستارىن جۇر­گى­زۋدى قار­جى­لان­دىرۋ ءۇشىن 140 ملرد تەڭ­گە كولەمىندە بيۋد­جەت­تىك نەسيە ءبولىندى. اس­تىق­تى فورۆاردتىق ساتىپ الۋ شەڭبەرىندە 80 ملرد تەڭگە كوزدەلگەن.

– كوكتەمگى دالا جۇمىس­تا­رىن تا­بىستى جۇرگىزۋ اۋىل شار­ۋا­شى­لىعى مينيس­ترلى­گى­نىڭ تۇراقتى جانە ەرەكشە باقى­لا­ۋىن­دا ەكەنىن اتاپ ءوتۋ كەرەك. وسى ماقساتتا مي­نيس­­ترلىكتە كوكتەمگى دالا جۇ­مىس­تا­رىن جۇر­گىزۋدىڭ بارلىق ما­سە­لەسىن ۋاقتىلى شەشۋگە ارنال­عان جەدەل شتاب قۇرىلىپ, اتالعان باعىتتاعى جۇمىستارعا ەرەكشە ءمان بەرىلگەن, – دەدى ا.سۇلتانوۆ.