وڭدەۋ ونەركاسىبىنە ءمان بەرىلەدى

وبلىستىق يندۋستريالىق-يننو­ۆاتسيالىق دامۋ باسقارماسى­نىڭ باسشىسى رينات سۇلتان­گەرەەۆتىڭ ايتۋىنشا وسى جىلى قۇرعاق قۇرىلىس قوسپالار ءوندى­رىسى, 2 قۇس فابريكاسى, بالىق وڭدەۋ تسەحى جانە ەت كومبيناتى سەكىلدى جوبالار جۇزەگە اسادى. جالپى قۇنى شامامەن 11 ملرد تەڭگەگە باعالانىپ وتىرعان وسى 5 جوبا ىسكە قوسىلعاندا 400-گە جۋىق جۇمىس ورنى اشىلماق.

جيىندا «ۋپراۆلەنيە مەحانيزيروۆان­نوي دوبىچي» جشس ديرەكتورى باقىت جانى­بەكوۆ سىعىلعان تابيعي گازدى اۆتوموبيلدە قولداناتىن پروپان گازى, بەنزين, ديزەل وتىنىنا بالاما تاۋار رەتىندە دايىنداۋ تۋرالى ۇسىنىس كوتەردى. بۇل باعا جاعىنان دا تۇتىنۋشىلار ءۇشىن ءتيىمدى بولماق.

كاسىپكەردىڭ ايتۋىنشا, ماگيسترالدى گاز قۇبىرلارى جەلى­لەرى بۇل يدەيانى ىسكە اسى­رۋعا تولىق مۇمكىندىك بەرەدى. ونىڭ ۇستى­نە قالاىشىلىك, قالا­ارالىق گاز قۇبىرلارى دا قو­ل­جەتىمدى جانە ينفراقۇرىلىم اياسى كەڭ. قىزىلوردادان باستاۋ العان باستاما ناتي­جەلەرىن باسقا قالالارعا دا تاراتۋعا بولادى.

ايماق باسشىسى جوبانىڭ وزەكتىلىگىن ەسكەرە وتىرىپ, ين­ۆەس­تيتسيالىق جوبالاردى جۇزە­گە اسىرۋ وتە ماڭىزدى ەكە­نىن اتاپ ءوتتى.

– جوبانى شيكىزاتپەن قامتاماسىز ەتۋ جانە قارجىلاندىرۋ ماسەلەسىن پى­سىق­­تاۋ قەرەك. وسىعان بايلا­نىستى, وبلىستىق يندۋستريا­لىق-ين­نوۆاتسيالىق دامۋ باسقار­ما­سىنا مۇناي كومپانيالارىمەن وسى جوبانى ىسكە اسىرۋدى تال­قىلاۋ جونىندە كەڭەس ۇيىم­داستىرۋدى تاپسىرامىن. قاجەت­تى شيكىزات كولەمى مەن قارجى­لان­دىرۋ ماسەلەلەرى شەشىمىن تاپقان جاعدايدا, جوبا باستاماشىلارىنا مەملەكەت تاراپىنان بەرىلەتىن قولداۋ شارالارىن ۇسىنۋ قاجەت, – دەدى گ.ابدىقالىقوۆا.

مۇنان كەيىن «تەح سەرۆيس»جشس ديرەكتورى مارات جاپپاربەرگەنوۆ Keremet Arena سپورت كەشەنى جوباسىن تانىس­تىردى. قۇنى 1 ملرد تەڭگە قۇ­راي­تىن كەشەندە ءبىر كۇندە 150 ادام سپورتپەن شۇعىلدانا الا­دى. ايماق باسشىسى وبلىس­تى­ق كاسىپكەرلىك جانە تۋريزم باس­قار­ماسىنىڭ باسشىسى فەردو­ۋسي قوجابەرگەنوۆكە جوبانى قار­جىلاندىرۋ ماسەلەسىن پىسىق­تاۋدى تاپسىرىپ, بۇل باستامانىڭ الەۋمەتتىك ينفراقۇرىلىمدى جاقسارتۋ جۇمىستارىن كەشەندى تۇردە جالعاستىرۋدا ماڭىزى زور ەكەنىن ايتىپ ءوتتى.

قىزىلوردا وبلىسى