قىزىلوردادا «احمەت بايتۇرسىن ۇلى – قازاق جازۋىنىڭ رەفورماتورى جانە لاتىن قارپىنە كوشۋدىڭ بۇگىنگى جاي-كۇيى» اتتى رەسپۋبليكالىق عىلىمي-تانىمدىق كونفەرەنتسيا ءوتتى. Orda جوعارى كوللەدجىنىڭ ۇيىمداستىرۋىمەن وتكەن شاراعا ەلىمىزدىڭ ءار تۇكپىرىنەن ونلاين فورماتتا قاتىسقان عالىمدار كونفەرەنتسيا تاقىرىبىنا ساي بايانداما جاسادى.
ۇعا اكادەميگى, فيلولوگيا عىلىمدارىنىڭ دوكتورى, پروفەسسور شەرۋباي قۇرمانباي ۇلى «احمەت بايتۇرسىن ۇلى جانە كىرمە سوزدەر ماسەلەسى» تاقىرىبىندا بايانداما جاساسا, تاعى ءبىر كورنەكتى عالىم – اكادەميك, فيلولوگيا عىلىمدارىنىڭ دوكتورى, پروفەسسور ديحان قامزابەك ۇلى احاڭنىڭ الاش رۋحانياتىن ساپالاندىرۋ جوباسى جايىندا وي ءوربىتتى.
باتىس قازاقستان يننوۆاتسيالىق-تەحنولوگيالىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى مۇرات سابىر بايتۇرسىن ۇلى كوتەرگەن ءبىلىم بەرۋ ساياساتى تۋرالى ايتىپ ءوتتى, مەملەكەتتىك ءتىلدى دامىتۋ ينستيتۋتىنىڭ اتقارۋشى ديرەكتورى, فيلولوگيا عىلىمدارىنىڭ كانديداتى بيجومارت قاپالبەك احمەت بايتۇرسىن ۇلىنىڭ باستاۋىش مەكتەپتە ءبىلىم بەرۋدەگى ۇستانىمدارىن تالدادى. ءتىلدىڭ الەۋمەتتىك سارالانۋى ماسەلەسىن احمەت بايتۇرسىن ۇلىمەن بايلانىستىرا بايانداعان قورقىت اتا اتىنداعى قىزىلوردا ۋنيۆەرسيتەتىنىڭ قاۋىمداستىرىلعان پروفەسسورى, فيلولوگيا عىلىمدارىنىڭ كانديداتى امان اباسيلوۆ تۇجىرىمى دا ۇلت ۇستازىنىڭ 150 جىلدىعىنا وراي ۇيىمداستىرىلعان كونفەرەنتسياداعى قىزىقتى تاقىرىپتاردىڭ ءبىرى بولدى.
قىزىلوردا