كوركەم گيمناستيكادان ەجەلگى ەللادا ەلىندە ۇيىمداستىرىلعان «افروديتا» كۋبوگى ءوز مارەسىنە جەتتى. حالىقارالىق تۋرنيردە باق سىناعان قازاقستاندىق گيمناسشىلار جۇلدەلى ورىندارمەن كوزگە ءتۇستى.
11-13 ناۋرىز كۇندەرى وتكەن تۋرنيردە جاسوسپىرىمدەر مەن ەرەسەك سپورتشىلار ونەر كورسەتتى. جاسوسپىرىمدەر اراسىنداعى دودادا وتانداستارىمىزدان ەريكا جايلاۋوۆا تاسپا جاتتىعۋىندا قولا جۇلدەگەر اتانسا, ميلانا پارفيلوۆا شىعىرشىق جاتتىعۋىندا كۇمىسكە قول جەتكىزدى.
ال ەرەسەكتەر باسەكەسىندە 2018 جىلعى جاسوسپىرىمدەر وليمپياداسىنىڭ كۇمىس جۇلدەگەرى روزا ابيتوۆا تاسپا جاتتىعۋىندا قولا مەدال يەلەندى. سونىمەن قاتار بايان قويباعار ۇرشىق جاتتىعۋىندا كۇمىس, سابينا باقاتوۆا شىعىرشىقپەن جاتتىعۋدا قولا مەدال ولجالادى.