جارىق دۇنيەنى كورۋ باقىتى بۇيىرماعاندار تاعدىر تالكەگىنە قاراماستان قول قۋسىرىپ وتىرعان جوق. قازاق سوقىرلار قوعامى تالعار وقۋ-وندىرىستىك بىرلەستىگىندە ەڭبەك ەتەتىن زاعيپتاردىڭ ماسەلەلەرىنە وبلىس اكىمى ءتۇسىنىستىكپەن قاراپ, ونىڭ وڭ شەشىلۋىن باقىلاۋىنا العان. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باستىعى ق.الدابەرگەنوۆ ءوندىرىس ورنىندا بولىپ, كەمباعال جانداردىڭ مۇڭ-مۇقتاجىنا قۇلاق ءتۇردى.
اۋىرتپالىققا مويىماي, ءوز كۇندەرىن كورۋگە تالپىنعاندار كاسىپورىندا كىر باستىرعىشتار مەن مالعا ارنالعان سىرعا, جۇزدەن استام تۇيمە تۇرلەرىن جاساۋعا مەكەمە, كاسىپورىنداردان تاپسىرىس الىپتى. كەلىسىم-شارتتى ورىنداۋعا دەن قويعان ولاردىڭ تابىستارى دا جاقسى. سونىمەن بىرگە, وبلىس اكىمىنىڭ تاپسىرماسىمەن جەكە كاسىپكەرلەر ولارعا 1 ملن. 470 مىڭ تەڭگەنىڭ كومەگىن كورسەتىپتى. ءار وتباسىنا قوسىمشا قارجىلاي قامقورلىق جاسالعانىن دا ايتقان ءجون.
كەزدەسۋدە كاسىپورىن جۇمىسشىلارى قۇرالاي التاەۆا, ماديار جانىسبەكوۆ, سەيىتحان نۇراتاەۆ جانە باسقالارى وزدەرىنە جاسالعان قامقورلىققا راحمەتىن ايتىپ, تولعاندىرعان وزگە دە ماسەلەلەرىن ورتاعا سالدى.
كۇمىسجان بايجان,
الماتى وبلىسى.