نەگىزگى تۋرنيرگە جولداما الدى

دۇنيەجۇزىلىك رەيتينگتە 154-ورىندا تۇرعان ميحايل ىرىكتەۋ سايىستارىنىڭ فينالىندا الەمنىڭ 93-راكەتكاسى جاپونيالىق ەسيحيتو نيسيوكامەن شەبەرلىك بايقاستى. قازاقستاندىق تەننيسشى قارسىلاسىنان ەكى سەتتە 6:2, 7:6 (7:4) ەسەبىمەن باسىم ءتۇستى. ەكى ساعاتتان اسا ۋاقىتقا سوزىلعان باسەكەدە جەرلەسىمىز 1 ەيس جاساپ, 18 برەيك-پوينتتىڭ تورتەۋىن پايدالاندى. نەگىزگى ءتۋرنيردىڭ ءبىرىنشى اينالىمىندا ول امەريكالىق توممي پولمەن كەزدەسەدى.

جۇلدە قورى 8,5 ملن دوللاردان اساتىن ءىرى جارىستا قازاقستاننىڭ ءبىرىنشى, الەمنىڭ 33-راكەتكاسى الەكساندر بۋبليك تە ونەر كورسەتەدى. ول ءبىرىنشى اينالىمدا بريتانيالىق ەندي ماررەي مەن جاپونيالىق تارو دانيەل اراسىنداعى ويىننىڭ جەڭىمپازىمەن وينايدى.