سەيسەنبى جانە سارسەنبىدە فۋتبولدان ەۋروپا چەمپيوندار ليگاسىنىڭ 1/8 فينال ويىندارىنىڭ قارىمتا كەزدەسۋلەرى ءوتىپ, شيرەك فينالعا شىققان العاشقى ءتورت كوماندا بەلگىلى بولدى.
پاريجدەگى ءبىرىنشى ويىندا 1:0 ەسەبىمەن جەڭىلگەن «رەال» مادريدتەگى قارىمتا كەزدەسۋدە كامبەك جاساپ (3:1), ءتۋرنيردىڭ شيرەك فينالىنا شىقتى. ءبىرىنشى تايمدا مباپپە مەرگەندىك تانىتسا, ەكىنشى تايمدا بەنزەما 17 مينۋتتىڭ ىشىندە حەت-تريك جاسادى. ال پورتۋگاليادا «سپورتينگتى» 5:0 ەسەبىمەن تىزە بۇكتىرگەن «مانچەستەر سيتي» انگليادا تەڭ ويناپ (0:0), كەلەسى كەزەڭگە ءوتتى.
ءبىر كۇن بۇرىنعى ويىندا «ليۆەرپۋل» ءوز الاڭىندا «ينتەردەن» جەڭىلىپ قالسا دا (0:1), سىرت الاڭداعى جەڭىسىنىڭ (2:0) ارقاسىندا شيرەك فينالعا جولداما الدى. ءبىرىنشى ماتچتا «زالتسبۋرگپەن» اۋستريادا تەڭ تۇسكەن «باۆاريا» ميۋنحەندە قارسىلاس كوماندانىڭ قاقپاسىنا جەتى گول سوقتى – 7:1. لەۆاندوۆسكي حەت-تريكتىڭ, ميۋللەر ءدۋبلدىڭ اۆتورى اتانسا, سەرج گنابري مەن لەروي سانە ءبىر مارتەدەن كوزگە ءتۇستى.