ەلورداداعى «داۋلەت» تەننيس ورتالىعىندا ۇيىمداستىرىلعان ITF World Tennis Tour M25 ءتۋرنيرى مارەگە جەتتى.
جۇلدە قورى 25 مىڭ اقش دوللارىنا باعالانعان جارىستىڭ فينالىندا 21 جاستاعى قازاقستاندىق تەننيسشى بەيبىت جۋكاەۆ رەسەيلىك اليبەك كاچمازوۆپەن باس جۇلدەنى ساراپقا سالدى. بەيبىت ءۇش ساعاتقا سوزىلعان ماتچتا 3:6, 7:6 (7:5), 6:7 (4:7) ەسەبىمەن قارسىلاسىنا ەسە جىبەردى. باسەكە بارىسىندا جۋكاەۆ 23 ەيس جاساعانىمەن, 4 برەيك-پوينتتى پايدالانا المادى.
وسى جارىستىڭ فينالىنا دەيىن جەتكەن اقتاۋ تەننيس مەكتەبىنىڭ تۇلەگى دۇنيەجۇزىلىك رەيتينگتە 597-ورىنعا كوتەرىلدى.