مەنىڭ جانىم جىلقىنىڭ تۇياعىندا,
تۇلپار ءمىنىپ جۇرەمىن قيالىمدا.
ات تىزگىنى تۇرعاندا ۋىسىمدا,
ەشكىمنەن دە قاقىم جوق ۇيالۋعا.
تۇلپار ءمىنىپ بابالار تۋ ۇستاعان,
ات جالىندا كوز ءىلىپ تىنىستاعان.
ارعىماقتاي جەلەدى عاسىرلارعا,
قازان اتتاي قازاعىم قۇرىش تابان.
بار بولمىسى باسقادان دارا تۇرسا,
سۇلۋلىقتى انادان الا تۋسا.
قازاق حالقى جارالعان سايگ ۇلىكتەن,
بازبىرەۋلەر مايمىلدان جاراتىلسا.
تابارىك بوپ بابامنان قالدى مۇرا,
جىلقىمەنەن تاريحىم, تاعدىرىم دا.
جىلقى جىلى وسىلاي كەلگەن سايىن,
جادىمداعى تەكتىلىك جاڭعىرۋدا.
جۇيرىكتەيىن شاشادان شاڭ بوراتىپ,
ناۋرىزبەنەن تاۋەلسىز تاڭدار اتىپ.
قازاق ەلى اينالسىن جەرۇيىققا,
التى قۇرلىق تامسانىپ تاڭداناتىن.
باقىتبەك سماعۇل,
پارلامەنت ءماجىلىسىنىڭ دەپۋتاتى.