وندىرىستە تاڭبالاۋ پروتسەسىن روبوتتاندىرعان ۇتىمدى

ەلىمىزدە ەاەو ەلدەرىنىڭ كەلىسىمى اياسىندا تاۋارلاردى مىندەتتى تسيفر­لى تاڭبالاۋدى ەنگىزۋ بويىنشا جوبا ىسكە اسىرىلىپ جاتقانى بەلگىلى. «قازاق­تەلەكوم» اق قازاقستاندا تاڭبالاۋدىڭ بىرىڭ­عاي وپەراتورى بولىپ سانالادى. ەكى ولشەمدى Data Matrix كودىن ءونىم­نىڭ قاپتاماسىنا قولدانۋ بەلگىلى ءبىر جاعدايلاردا ءوندىرىس جەلىسىن تەحنيكالىق جاڭارتۋدى قامتيدى. ەكونوميكانىڭ ءتۇرلى سەكتورلارى ءۇشىن اقپاراتتىق تەحنولوگيالار سالاسىندا دا, ماشينا جاساۋ جانە روبوتتەحنيكا سالاسىندا دا مامانداردىڭ كەڭ سپەكترىن دايىندايتىن Satbayev University اۆتوماتيكا جانە اقپاراتتىق تەحنولوگيالار ينستيتۋتىنىڭ مۇمكىندىكتەرى ۋنيۆەرسيتەت بازاسىندا مامانداندىرىلعان R&D زەرتحانالارىن قۇرۋعا مۇمكىندىك بەرەدى. ولار تاڭبالاۋ كودتارىن ورنا­تۋ پروتسەستەرىن اۆتوماتتاندىرۋ ءۇشىن تەحنولوگيالاردى جانە ءتىپتى كەشەن­دى شەشىمدەردى ازىرلەۋگە, سونداي-اق ونىم­دەردى جەلىدە اگرەگاتتاۋ جانە روبوت­تاندىرۋعا بەلسەندى قاتىسا الادى.

«مەملەكەت باسشىسى عىلىم مەن بيز­نەستىڭ ءوزارا ءىس-قيمىلىنىڭ ماڭىز­دى­لىعى تۋرالى بىرنەشە رەت ايتقان بولاتىن, بۇل يننوۆاتسيالاردى ەن­گىزۋ ءۇشىن جاڭا مۇمكىندىكتەر اشۋعا مۇم­كىندىك بەرەدى. قازىرگى ۋاقىتتا نارىقتا تاۋارلاردىڭ تاڭبالانۋىن قامتا­ماسىز ەتەتىن دايىن جابدىقتار مەن اق­پاراتتىق جۇيەلەر بار. الايدا تاجىري­بە كورسەتكەندەي, بارلىق پارامەترلەر بويىنشا بىردەي ەكى وندىرىستىك جەلى جوق, سوندىقتان دايىن شەشىمدەردى دە بەيىمدەۋ قاجەت, ال ەگەر تاڭبالاۋ پرو­تسەستەرىن عانا ەمەس, جالپى ءوندىرىس تيىمدىلىگىن ەداۋىر ارتتىراتىن روبوتتاندىرۋ سياقتى تەحنولوگيالار تۋرالى ايتاتىن بولساق, وندا مۇندا جۇمىس وتە كوپ دەپ ايتۋعا بولادى. ءبىز بەلارۋستەگى ارىپتەستەرىمىزدىڭ تاجىريبەسىمەن تانىس­تىق, وندا تەحنيكالىق ۋنيۆەرسيتەت­تەر كاسىپورىندارعا تاڭبالانعان ءونىمدى ءوندىرۋ پروتسەستەرىن ءتيىمدى اۆتومات­تان­دى­رۋعا جانە روبوتتاندىرۋعا بەلسەندى تۇردە كومەكتەسەدى» دەپ اتاپ ءوتتى تسيفرلىق ەكونوميكانى دامىتۋ ورتالىعىنىڭ باس ديرەكتورى بيكەش قۇرمانعاليەۆا.

ءوز كەزەگىندە, بىرىڭعاي وپەراتور ينس­تيتۋت قىزمەتكەرلەرىن تاڭبالاۋدىڭ بار­لىق پروتسەستەرى بويىنشا وقىتۋ جا­نە اقپاراتتاندىرۋ بويىنشا كومەك كورسەتۋگە, ەرەكشەلىكتى ەسكەرە وتىرىپ, بار­لىق تاۋار توپتارى بويىنشا جوبالاردى ىسكە اسىرۋ ءۇشىن مىندەتتەردى قويۋعا كومەكتەسۋگە دايىن.

Satbayev University رەكتورى مەي­رام بەگەنتاەۆ جۇمىس ىستەپ تۇرعان زەرت­حانالار بازاسىندا وندىرىستەردە اۆتوماتتاندىرىلعان تەحنولوگيالاردى دامىتۋ بويىنشا ماسەلەنى بەلسەندى پىسىقتاۋعا جانە قاجەت بولعان جاعدايدا جاڭالارىن قۇرۋعا دايىندىعىن ءبىلدىردى. كەزدەسۋدە ول ارىپتەستەرىنە ولاردىڭ تاجىريبەسىمەن ەگجەي-تەگجەيلى تانىسۋ جانە ىنتىماقتاستىق جولدارىن دامىتۋ ءۇشىن برەست تەحنيكالىق ۋنيۆەرسيتەتىنە بارۋدى تاپسىردى.

اۆتوماتيكا جانە اقپاراتتىق تەحنولوگيالار ينستيتۋتىنىڭ باسشىسى رايسا وسكەنباەۆا تسيفرلىق ەكونوميكانى دامىتۋ ورتالىعىنىڭ قىزمەتكەرلەرىن قول­دانىستاعى زەرتحانالارمەن جانە اعىم­داعى R&D جوبالارىمەن تانىستىر­دى.

ء«بىز تاڭبالاۋدىڭ بىرىڭعاي وپەراتورى رەتىندە ۋنيۆەرسيتەتتەردى تاڭبالاۋ جوبالارىنا تارتۋعا ۇلكەن ءۇمىت ارتامىز. سەبەبى تاڭبالاۋ جوباسى تاڭبالانعان تا­ۋارلاردى وتاندىق وندىرۋشىلەردىڭ, بۋىپ-ءتۇيۋ وندىرەتىن كاسىپورىنداردىڭ, سونداي-اق لوگيستيكالىق كومپانيالاردىڭ ون­دىرىستىك پروتسەستەرىن تسيفرلاندىرۋعا ناق­تى سەرپىن بەرەدى», دەپ تۇيىندەدى بيكەش قۇرمانعاليەۆا.