پرەزيدەنت قاسىم-جومارت توقاەۆتىڭ پارلامەنت ماجىلىسىندەگى سوزىندە حالىق ەستىگىسى كەلەتىن سوزدەر ايتىلدى. ەندى ناتيجەسى حالىق قالاعانداي بولعانى كەرەك. ءبىزدىڭ ەل الەۋمەتتىك مەملەكەت ەكەنىن, رەسپۋبليكالىق بيۋدجەتتىڭ 50 پايىزدان استامىن الەۋمەتتىك شىعىندار قۇرايتىنىن جانە ونىڭ جەتكىلىكسىز ەكەنىن ەستىدىك.
حالىقتىڭ ءومىر ءسۇرۋ ساپاسىن جاقسارتۋ كەرەكتىگى, ناقتىراق ايتقاندا, نارىقتىق ەكونوميكا دەپ رەيتينگ قۋالاپ, جاۋاپتى ورگان ءبىر الەمدە, ال قوعام باسقا الەمدە ءومىر ءسۇرىپ جاتقانى, حالىقتىڭ نەسيەگە مۇقتاجدىقتارىنىڭ ارتۋى, نارىقتاعى باعا مەن جالاقى اراسىنداعى ايىرماشىلىقتىڭ كوپتىگى, سايكەسىنشە بۇل جاعداي ەلدىڭ جاعدايىنىڭ ناشارلاۋىنا سەبەپ بولىپ تۇرعانى حابارلاندى.
ەلىمىزدەگى الەۋمەتتىك ساياساتتىڭ تيىمسىزدىگى, حالىقتى جۇمىسپەن قامتۋداعى ماسەلەلەر, جۇمىسسىزدىقتىڭ كوبەيۋى, ساپالى ءبىلىمنىڭ قاجەتتىگى, وڭىرلەردەگى جاعدايلار, ميگراتسيا, شاعىن جانە ورتا بيزنەسكە كومەك كورسەتۋ, مەملەكەتتىك ورگاندار مەن حالىق اراسىندا تىكەلەي ءتيىمدى بايلانىستىڭ جوقتىعى, الەۋمەتتىك ساياساتتى جاڭا باعىتتا جۇزەگە اسىرۋ قاجەتتىگى جانە ونىڭ ءاربىر ازاماتتىڭ جاعدايىنا بايلانىستى اتقارىلۋى ءتيىس ەكەنى ايتىل- دى.
ءبىزدىڭ حالىققا كەرەگى دە وسى ەدى. الايدا ايتىلعانداردىڭ بارلىعى ءبىر تاراپتان عانا ەمەس, ەكى تاراپ نەگىزىندە بىرلەسە جۇزەگە اسىرىلۋى كەرەك. ياعني ەلدىڭ ءار ازاماتىنىڭ الەۋمەتتىك جاۋاپكەرشىلىگىن سەزىنەتىن جانە سەزىندىرەتىن ۋاقىت كەلگەن سياقتى. ەل ازاماتتارىنىڭ الەۋمەتتىك جاعدايىن جاقسارتىپ قانا قويماي, بارلىق باعىتتاعى ساۋاتتىلىعىن ارتتىرۋ ءۇشىن دە ءتيىستى شارالار اتقارىلۋى قاجەت. ساۋاتتى ازاماتتار مەن ساۋاتتى باسەكەنىڭ جۇزەگە اسىرىلۋى تۇراقتىلىقتى قالىپتاستىرادى.
شىرىن تلەنچيەۆا,
ءال-فارابي اتىنداعى قازۇۋ
«الەۋمەتتانۋ» ماماندىعىنىڭ PhD دوكتورانتى