ءتۋرنيردىڭ سەنساتسياسىن تىركەدى

جاسىل قۇرلىقتاعى دودادا وتانداسىمىز برازيليالىق بەاتريس حادداد مايامەن بىرگە جارىستىڭ ءۇشىنشى راكەتكالارىن جەڭىپ, ءتۋرنيردىڭ سەنساتسياسىن تىركەدى. قازاق­ستاندىق-برازيليالىق جۇپ 1 ساعات 5 مينۋتقا سوزىلعان باسەكەدە كانادالىق گاب­ريەلا دابروۆسكي مەن مەكسيكالىق دجۋ­ليانا ولموستى 6:4, 6:2 ەسەبىمەن ۇتتى. اننا مەن بەاتريس جارتىلاي فينالعا شىعۋ ءۇشىن رەسەيلىكتەر ەكاتەرينا الەكساندروۆا جانە ناتەلا دزالاميدزەمەن شەبەرلىك بايقاسادى.

ەرلەر اراسىنداعى وسى جارىستا اندرەي گولۋبەۆ پەن حورۆاتيالىق فرانكو سكۋگور كورت يەلەرى, اۋستراليالىقتار مەتت ريد – الەكسەي پوپىرينگە 3:6, 1:6 ەسەبىمەن ەسە جىبەردى. تاعى ءبىر قازاقستاندىق الەكساندر نەدوۆەسوۆ پاكىستاندىق ايسام كۋرەشيمەن بىرگە كەشە جارتىلاي فينالعا شىعۋ ءۇشىن اۋستراليالىق دجون پيرس – سلوۆاكيالىق فيليپ پولاشەكپەن سىنعا ءتۇستى.

وكىنىشكە قاراي, جەكەلەي باسەكەدە ءتاۋىر ونەر كورسەتىپ كەلە جاتقان ەلىمىزدىڭ ءبىرىن­شى, الەمنىڭ 13-راكەتكاسى ەلەنا رىبا­كينا جاراقاتىنا بايلانىستى جارىستى جال­عاستىرۋدان باس تارتتى. ول ەكىنشى اينالىمدا فرانتسيالىق كارولين گارسيامەن كەزدەسۋگە ءتيىس بولاتىن.