وبلىس ورتالىعىنداعى جاڭادان تۇرعىزىلاتىن بۇل نىسان – جەڭىس مەرەكەسىنىڭ 65 جىلدىعىنا ارنالىپ سوعىس ارداگەرلەرىنە جاسالعان سىيلىق. ەل ەسىندە جۇرگەن وسى ءبىر سالتاناتتى كۇنى وبلىس اكىمى باقىتجان ساعىنتاەۆ سوعىس ءورتىن كورگەن ارداگەر اقساقالداردى شاقىرىپ, ۇلكەندەرمەن بىرگە بوي كوتەرمەكشى ءۇيدىڭ ىرگەتاسىن قالادى. قازاقى سوزبەن ايتساق, العاشقى قازىعىن قاقتى.
كاسىپكەر اناتولي ۆينەرتسەۆ باسقاراتىن “كازسترويمپۋلس” جشس جۇرگىزەتىن تۇرعىن ءۇي قۇرىلىسىنا 370 ميلليون تەڭگە بولىنگەن. بيىلعى جىلدىڭ قاراشا ايىندا پايدالانۋعا بەرىلەتىن جاڭا ءۇي توعىز قاباتتى, ءبىر جانە ەكى بولمەلى 108 پاتەردەن تۇرادى. جاڭا تۇرعىن ءۇي الاڭى بۇل اۋداننان بەكەردەن-بەكەر تاڭداپ الىنباسا كەرەك. ءدال وسى جەردە وبلىس ورتالىعىندا ورنالاسقان پاۆلودار اۋدانىنىڭ اۋىل تۇرعىندارىنا ارنالعان ەمحانا بار. جارقىرعان جاڭا ەمحانا – وسى زامانعى مەديتسينالىق قۇرال-جابدىقتارمەن جابدىقتالعان وبلىستاعى بىردەن-ءبىر ەمدەۋ مەكەمەسى. ەندى اۋىل تۇرعىندارىمەن بىرگە, وبلىس ورتالىعىندا تۇراتىن سوعىس ارداگەرلەرى دە وسى ەمحانانىڭ قىزمەتىن پايدالاناتىن بولادى.
ال, جاڭادان بوي كوتەرەتىن تۇرعىن ءۇيدىڭ ءبىرىنشى قاباتى تۇگەلىمەن ارداگەرلەردى جان-جاقتى قامتاماسىز ەتەتىن الەۋمەتتىك ورىندارعا ارنالعان. مايدانگەرلەر وزدەرىنە ارناپ سالىناتىن ءۇيدىڭ داڭقتى قولباسشى ميحايل سۋۆوروۆ كوشەسىنەن ورىن تەپكەنىن وزدەرىنىڭ ەرلىك جولدارىنىڭ جالعاسى رەتىندە جاراسىم تاپقانىنا ىرزا. جالپى, جەڭىس مەرەكەسى كۇنى وبلىس ورتالىعىنداعى داڭق الاڭىندا وبلىستان شىققان جەرلەس باتىرلار قۇدايبەرگەن سۇراعانوۆ, يۆان كۋدين, سپارتاك ماكوۆسكي جانە باسقالارعا ارناپ ولاردىڭ مۇسىندەرى ورناتىلدى. وتان سوعىسى جىلدارىندا قازا تاپقان جاۋىنگەرلەرگە ارنالعان ەسكەرتكىش قايتا جاڭعىرىپ, جاڭارتىلدى.
فاريدا بىقاي.
پاۆلودار.