فەرروقورىتپا زاۋىتىنىڭ قۇرىلىسى باستالدى

زاماناۋي زاۋىت 94,5 مۆا-لىق 4 پەشتەن تۇرادى. ونىڭ ەڭ جوعارى وندىرىستىك قۋاتى – جىلىنا 240 مىڭ توننا جوعارى ساپالى فەرروسيليتسي ءوندىرۋ. تولىق اۆتوماتتاندىرىلعان جاڭا كاسىپورىندى ىسكە قوسۋ 2023 جىلعا جوسپارلانعان. كا­سىپورىن فەرروسيليتسيگە دەگەن جاھاندىق سۇرانىستى قاناعات­تاندىرۋ ءۇشىن سالىنىپ جاتىر. EkibastuzFerroAlloys كومپانيا­سى ەۋروپا, وڭتۇستىك-شىعىس ازيا, سولتۇستىك جانە وڭتۇستىك امەريكا نارىقتارىندا ءوز ونىمدەرىن ساتۋدى جوسپارلاپ وتىر. دايىن ءونىمدى وتكىزۋگە ارنالعان ءتيىستى كەلىسىمدەر مەن وفتەيك كەلىسىمشارتتار جاسالدى. الدىن الا ەسەپتەۋلەرگە سايكەس, ەكسپورت قۇنىنىڭ كولەمى جىلىنا 76 ملرد تەڭگەنى قۇراماق.

– كاسىپورىننىڭ ەكىباستۇز قالاسىن جاڭعىرتۋدا ستراتە­گيالىق ماڭىزى بار. جوبا ەكولو­گيالىق تۇرعىدان تازا بولىپ سانالادى. ويتكەنى قالدىقتاردان ميكروكرەمنەز وندىرىلەدى. ول دا الەمدىك نارىقتا سۇرانىسقا يە. جاڭا زاۋىتتىڭ ءونىمى الەمدىك ستاندارت­تىڭ بارلىق تالاپتا­رىنا تولىق سايكەس كەلەدى جانە 100 پايىز ەكسپورتقا باع­دار­لانعان. ءبىز الدىمىزعا ءورشىل ماق­ساتتار قويىپ وتىرمىز. ياعني ەكسپورت گەوگرافياسىن الەم­­نىڭ 52 ەلىنە دەيىن ۇلعايتۋ جانە فەر­روسيليتسيدىڭ الەمدىك نا­رىعىندا كوشباسشى پوزيتسياعا يە بولۋ. جوبا ءوڭىردىڭ ەكسپورتتىق الەۋەتىن ارتتىرۋعا مۇمكىندىك بەرەدى جانە قالانىڭ بىلىكتى تەح­­نيكالىق ماماندارىن ۇستاپ قالۋدا ماڭىزدى ءرول اتقارادى, – دەيدى EkibastuzFerroAlloys جشس اكتسيونەرى ەرلان نىع­ماتۋلين.

جاڭا كاسىپورىن «ەكىباستۇز گرەس-1» جشس-ءنىڭ جانىندا ورنالاسپاق. بۇل شيكىزات پەن ەلەكتر ەنەرگياسى كوزدەرىنە جاقىن ورنالاسقاندىقتان ءوندىرىس قاۋىپسىزدىگىن قامتاماسىز ەتەدى.

– وسىدان ءبىر اي بۇرىن پاۆلودار وبلىسىندا پرەزيدەنت قاسىم-جومارت توقاەۆ جۇمىس ساپارىمەن بولىپ, مونوقالالاردى دامىتۋ جونىندە كەڭەس وتكىزدى. ەسكە سالا كەتەيىن, بيىل مەملەكەت باسشىسى ءبىزدىڭ مونوقالامىز – ەكىباستۇزدى دامىتۋدىڭ كەشەندى جوسپارىن ازىرلەۋدى تاپسىرعان بولاتىن. بۇل جوسپارداعى ءىرى ينۆەستيتسيالىق جوبالارىنىڭ ءبىرى – EkibastuzFerroAlloys كومپانياسى جۇرگىزەتىن فەرروقورىتپا ءوندىرۋ زاۋىتىنىڭ قۇرىلىسى. ونى جۇزەگە اسىرۋ ەكىباستۇزدى دامىتۋ جوسپارى بەكىتىلگەننەن كەيىن بىردەن باستالدى. بۇل پرەزيدەنتتىڭ ءىرى ينۆەستيتسيالىق جوبالاردى ىسكە اسىرۋ جونىندەگى تاپسىرماسىنىڭ ورىندالعانىن كورسەتەدى. ەل تاۋەلسىزدىگىنىڭ 30 جىلدىعى قارساڭىندا زاماناۋي كاسىپورىن قۇرىلىسىنىڭ باستالعانى تۋرالى حابارلاۋ ەكى ەسە جاعىمدى. جوبا 800 ادامدى تۇراقتى جۇمىسپەن قامتاماسىز ەتۋگە مۇمكىندىك بەرەدى. جاڭا كاسىپورىننىڭ جۇمىسى ەسەبىنەن فەرروسيليتسيدىڭ شيكىزاتتىق ەمەس ەكسپورت كولەمى 4 ەسە وسەدى دەپ كۇتىلۋدە. جوبا رەسپۋبليكالىق يندۋستريالاندىرۋ كارتاسىنا جانە پاۆلودار وبلىسىنىڭ 2020-2025 جىلدارعا ارنالعان كاسىپكەرلىكتى قولداۋ كارتاسىنا ەنگىزىلگەن. جاڭا كاسىپورىننىڭ اشىلۋى ەكونوميكانى ارتاراپ­تاندىرۋعا جانە ءبىزدىڭ ايماقتىڭ, سونىمەن قاتار تۇتاس ەلدىڭ دامۋى­نا وڭ اسەر ەتەتىنىنە سەنىمدىمىن, – دەيدى پاۆلودار وبلىسىنىڭ اكىمى ابىلقايىر سقاقوۆ.

EkibastuzFerroAlloys جشس اكتسيونەرلەرىنىڭ ءبىرى داۆيد كەمەرتەليدزەنىڭ ايتۋىنشا, الەمدەگى فەرروسيليتسي نارىعى تۇراقتى. ويتكەنى ول ءىرى تونناجدى فەرروقورىتپالار كلاسىنا جاتادى.

– ونىڭ جاھاندىق قاجەتتىلىگى تۇ­راقتى بولىپ قالادى.­ سون­دىقتان ءبىز مۇنى وتە پەرسپەك­تيۆالى باعىت دەپ سانايمىز. ەكى­باس­تۇزداعى كادرلىق الەۋەتتىڭ جوعارىلىعى دا جوبانى تابىستى ىسكە اسىرۋدىڭ كەپىلى بولماق. جوبا تابىستى بولاتىنىنا جانە بەلگىلەنگەن مەرزىمدە ىسكە اسىرىلاتىنىنا سەنىمدىمىن. وسىنداي ءىرى ينۆەستيتسيالىق جوبالاردىڭ بولۋى, وعان ينۆەستورلاردىڭ بەلسەندى قاتىسۋى قازاقستانداعى ينۆەستيتسيالىق احۋالدىڭ قو­لايلى ەكەنىن كورسەتەدى. سونداي-اق بۇل ۇكىمەت تاراپىنان ينۆەس­تورلاردى قولداۋدىڭ ناق­تى مىسالى, – دەيدى داۆيد كەمەرتەليدزە.

ونىڭ پىكىرىنشە, ءونىمنىڭ وزىندىك قۇنىنداعى قازاقستاندىق قامتۋ ۇلەسى 96 پايىزدى قۇرايدى. سەبەبى ءوندىرىس ءۇشىن نەگىزگى رەسۋرستار پاۆلودار وبلىسىنان الىنادى.

كاسىپورىن قۇرىلتاي­شى­لا­رى­نىڭ ايتۋىنشا, زاۋىتتىڭ تەح­ني­كالىق جابدىقتالۋى بار­لىق الەمدىك ساپا ستاندارتتارىنا سايكەس كەلمەك. وسىنداي جۇيە بويىنشا ۇقساس جوبالار (YDD Corporation جشس جانە Qaz Carbon جشس) قاراعاندى قالاسىندا ىسكە اسىرىلعان.

– ەكىباستۇزداعى جاڭا فەر­رو­قورىتپا زاۋىتىنىڭ قۇرى­لىسى اكتسيونەرلەر توبىمەن بىرلەسكەن العاشقى جوبامىز ەمەس. بۇرىن قاراعاندى وبلىسىندا فەرروقورىتپا زاۋىتتارى مەن اگلومەراتسيالىق فابريكالاردى ىسكە قوسۋ كەزىندە ىنتىماقتاسقان ەدىك. ەكى جوبا دا ءوڭىر ءۇشىن, تۇتاس ەل ءۇشىن تابىس­تى, ەكونوميكالىق تۇرعىدان دا, الەۋمەتتىك تۇرعىدان دا ماڭىزدى بولدى. سوندىقتان تولىسقان تاجىريبە مەن ءتيىستى قۇزىرەتتەر قازاقستاندىق مەتاللۋرگيانى الەمدىك يندۋستريانىڭ جاڭا دەڭگەيىنە شىعارا الاتىن وسى جوبانى تابىستى ىسكە اسىرارىنا سەنىمدىمىز, – دەيدى قازاقستان دامۋ بانكىنىڭ باسقارما توراعاسى اباي سارقۇلوۆ.

قازاقستان دامۋ بانكى جوبانىڭ الەۋمەتتىك قۇرامداس بولىگىنە ەرەكشە نازار اۋداراتىندىقتان, ا.سارقۇلوۆ ەكىباستۇزداعى جاڭا زاۋىتتىڭ دامۋ يندەكسى جاق­سى ەكەنىن اتاپ ءوتتى. زاۋىت ەكو­نوميكالىق تۇرعىدان دا, الەۋ­مەت­تىك جاعىنان دا ايماقتىڭ دامۋىنا وڭ اسەر ەتپەك.