فۋتبولدان چەمپيوندار ليگاسى ءتۋرنيرىنىڭ توپتىق كەزەڭدەگى ويىندارى ءوز مارەسىنە جەتىپ, اتالعان جارىستىڭ پلەي-وفف ساتىسى مەن ەۋروپا ليگاسىنا جولداما العان كوماندالار انىقتالدى.
ە توبىنداعى بىردە-ءبىر ويىندا جەڭىلمەگەن «باۆاريا» بۇل جولى «بارسەلونادان» باسىم ءتۇسىپ (3:0), كاتالونيا كلۋبىن ەۋروپا ليگاسىنا ءتۇسىرىپ جىبەردى. يسپانيالىق ۇجىم كەيىنگى 21 جىلدا ءبىرىنشى رەت چەمپيوندار ليگاسىنىڭ پلەي-وفف كەزەڭىنە شىعا المادى. ال كيەۆتىڭ «ديناموسىن» 2:0 ەسەبىمەن جەڭگەن «بەنفيكا» توپتا ەكىنشى ورىنعا جايعاستى. F توبىندا مەرزىمىنەن بۇرىن 1/8 فينالعا شىعىپ قويعان «مانچەستەر يۋنايتەد» ءوز الاڭىندا «يانگ بويزبەن» تەڭ وينادى – 1:1. «اتالانتا» مەن «ۆيلياررەال» اراسىنداعى ويىن اۋا رايىنا بايلانىستى ءبىر كۇن كەيىنگە شەگەرىلدى.
G توبىندا «ليلل» قوناقتا «ۆولفسبۋرگتى» جەڭىپ (3:1), 1-ورىنمەن 1/8 فينالعا ءوتتى. «زالتسبۋرگ» ءوز الاڭىندا «سەۆيليانى» (1:0) قاپى قالدىرىپ, ەكىنشى ورىنمەن كەلەسى ساتىعا شىقتى. ن توبىندا «چەلسي» سانكت-پەتەربۋرگتە «زەنيتپەن» تەڭ تۇسسە (3:3), «يۋۆەنتۋس» تۋريندە ء«مالميونى» 1:0 ەسەبىمەن جەڭدى. وسىلايشا, ءتۋرنيردىڭ 1/8 فينالىنا شىققان كەشەگى 12 كوماندانىڭ قاتارىنا «بەنفيكا», «ليلل», «زالتسبۋرگ» كلۋبتارى قوسىلدى. سوڭعى 16-شى جولدامانى «اتالانتا» مەن «ۆيلياررەال» ساراپقا سالادى.