الداعى جەكسەنبىدە اقش-تا ءوتۋى ءتيىس بولعان باتىر جۇكەمباەۆتىڭ (18-1, 14 كو) جەكپە-جەگى 17 جەلتوقسانعا اۋىستىرىلدى.
وتانداسىمىز اقش-تىڭ سپرينگفيلد قالاسىنداعى كەشتە مەكسيكالىق حۋان حوسە مارتينەس الۆارەسپەن (28-10, 20 كو) كەزدەسۋى كەرەك ەدى. بىراق كەزدەسۋ ءبىر اپتادان كەيىن مونرەالدا (كانادا) ۇيىمداستىرىلاتىن بولدى. كاناداداعى بوكس كەشىنىڭ باستى ايقاسىندا جارتىلاي اۋىر سالماقتاعى IBF جانە WBC بەلبەۋلەرىنىڭ يەگەرى رەسەيلىك ارتۋر بەتەربيەۆ (16-0, 16 كو) پەن امەريكالىق ماركۋس براۋن (24-1, 16 كو) جۇدىرىقتاسادى.