كەشە يوردانيانىڭ اممان قالاسىندا ۇستەل تەننيسىنەن ITTF World Hopes Week & Challenge ءتۋرنيرىنىڭ جالاۋى جەلبىرەدى. جارىسقا الەمنىڭ ءار تۇكپىرىنەن جينالعان دارىندى جاس سپورتشىلار قاتىسۋدا.
تۋرنير ەرەجەسى بويىنشا, بايراقتى باسەكەدە 20 ەر, 20 قىز سپورتشى باق سىنايدى. ولارعا ەۆا دجەلەر (اۋستراليا), زولتان باتورفي (ماجارستان), پاچينتە وسمان (مىسىر), ماتيلدا ەكحولم (شۆەتسيا), احمەد ءال-موحاننادي (قاتار) سىندى تاجىريبەلى باپكەرلەر باس-كوز بولىپ, اقىل-كەڭەسىن ايتادى. جارىس قورىتىندىسى بويىنشا ۇزدىكتەر تاڭدالىپ, ITTF Hopes ءوز كومانداسىن جاساقتاپ شىعارادى. بۇل تۋرنيردە قازاقستان نامىسىن 12 جاستاعى اقتاۋلىق اققۋ تەمىرحانوۆا قورعايدى.