فۋتزالدان الماتىنىڭ «قايراتى» بيىلعى چەمپيوندار ليگاسىنىڭ ەليتالى كەزەڭىندە ءسۇرىندى. اتالعان جارىستىڭ توپتىق تۋرنيرىندە ءبىر ويىندا جەڭىسكە جەتىپ, ءبىر ماتچتا تەڭ ءتۇسىپ جانە ءبىر كەزدەسۋدە جەڭىلگەن جەرلەستەرىمىز «تورتتىك فينالعا» شىعا المادى.
ا توبىندا «ۆيتەن» (بەلارۋس), «انەر-ۆيلنەۆ» (فرانتسيا) جانە «تيۋمەن» (رەسەي) كوماندالارىمەن سىنعا تۇسكەن «قايرات» ءبىرىنشى تۋردا «ۆيتەن» ۇجىمىنان 3:2 ەسەبىمەن باسىم ءتۇستى. بۇل ويىندا الماتىلىقتار ساپىنان ساۆيو, البەرت اقبالىقوۆ جانە شىڭعىس ەسەنامانوۆ مەرگەندىك تانىتتى. كاكا شاكىرتتەرى كەيىنگى تۋردا فرانتسيانىڭ «انەر-ۆيلنەۆ» كلۋبىمەن شەبەرلىك بايقاستى. تارتىستى وتكەن ويىندا كوماندالاردىڭ كۇشتەرى تەڭ بولدى – 3:3. «قايرات» ساپىنان ەدسون ءبىر گول سالسا, ديەگو ءدۋبلدىڭ اۆتورى اتاندى.
شەشۋشى تۋردا «قايرات» رەسەيدىڭ «تيۋمەن» كومانداسىمەن وينادى. قازاقستاندىق كلۋبقا بۇل ويىندا تەك جەڭىس قانا كەرەك ەدى. سەبەبى «قايرات» جەڭىسكە جەتكەن جاعدايدا عانا ءتۋرنيردىڭ باس جۇلدەسى ءۇشىن وتەتىن جارىسقا جولداما الا الادى. الايدا ماڭىزدى ويىندا كاكا شاكىرتتەرى ءۇش ۇپاي ولجالاي الماي, 3:2 ەسەبىمەن جەڭىلىپ قالدى. ءسويتىپ ءبىزدىڭ توپتان «تيۋمەن» كەلەسى كەزەڭگە شىقتى.