شىمكەنتتە قويما ورتەندى

شىمكەنت قالاسىندا قويما ورتەنىپ, ونداعان كاسىپكەر تاقىرعا وتىردى. بۇل تۋرالى «كتك» تەلەارناسى حابارلادى. 1300 شارشى مەتر اۋماقتى الىپ جاتقان لوگيستيكالىق  ورتالىققا كاسىپكەرلەر ازىق-ت ۇلىكتەن باستاپ قۇرىلىس زاتتارىنا دەيىن ساقتاعان بولاتىن. وسىندا بولعان ءورتتىڭ سالدارىنان سونىڭ ءبارى كۇلگە اينالدى. ال وقيعا ورنىنا كەلگەن ءورت سوندىرۋشىلەرگە قويما ماڭىندا گيدرانتتىڭ بولماۋى قيىندىق تۋعىزىپتى. «20 ميلليون شىعىنعا باتتىق. نەگىزىندە قويمانى ايىنا 200 مىڭ تەڭگەگە جالعا العان ەدىك. وسى سوما ىشىنە كۇزەت پەن ءورت قاۋىپسىزدىگى دە كىرەدى. ەندى قويماعا جاۋاپتى قىزمەتكەرلەر ءبىزدىڭ سۇراعىمىزعا ءجوندى جاۋاپ بەرمەي وتىر», - دەيدى كاسىپكەر تاتيانا شنياكينا. قويمادان شىققان قىزىل جالىن سوندىرىلگەنشە, پويىزداردىڭ جۇرۋىنە تىيىم سالىنعان ەكەن. ازىرگە ءورتتىڭ شىعۋ سەبەبى مەن ودان بولعان شىعىن كولەمى انىقتالعان جوق. ءامىرحان الماعانبەتوۆ. دەرەككوز: «كتك» تەلەارناسى. فوتو: Tor.rbc.ru.