تالاپ تاس جارادى

جامبىل ءوڭىرىنىڭ وقۋشىلارى رەسپۋبليكالىق عىلىمي جوبالار جارىسىندا كوماندالىق ءبىرىنشى ورىندى يەلەندى.

جاقىندا الماتى قالاسىندا وتكەن رەسپۋبليكالىق عىلىمي جوبالار جارىسىنا وبلىستان 36 وقۋشى قاتىستى. ونىڭ 20-ى جۇلدەگەر اتانىپ, 1 وقۋشى التىن, 5 وقۋشى كۇمىس, 14 وقۋشى قولا مەدالمەن ماراپاتتالدى. اتاپ ايتساق, وبلىس ورتالى­عىنداعى №31 ورتا مەكتەپتىڭ وقۋشىسى قۋات قابيدىڭ تەحنيكا سالاسى بويىنشا قورعاعان عىلىمي جوباسى ۇزدىك دەپ تانىلىپ, التىن مەدالمەن ماراپاتتالدى. ال وبلىستىق «دا­رىن» مەكتەپ-ينتەرناتىنىڭ وقۋشىسى ماحامبەتالى تەمىرلان قولدانبالى ماتەماتيكا بويىنشا كۇمىس مەدالگە يە بولدى. ءبىر ايتا كەتەرلىگى, وسى ءبىلىم ورداسىنىڭ تاعى 3 وقۋشىسى كۇمىس, 3 وقۋشىسى قولا مەدالگە يە بولىپ, مەكتەپتىڭ اتىنا زاتى ساي ەكەنىن دالەلدەدى. وبلىستاعى دارىندى وقۋ­شىلار رەسپۋبليكالىق عىلىمي جارىستاردان ەشقاشان قۇرقول قايتقان ەمەس. مىسالى, 2007, 2008 جانە 2009 جىلدارى كوماندالىق ەسەپ بويىنشا 2-ءشى, 2010, 2011 جىلدارى 3-ءشى, ال 2012 جىلى 2-ءشى ورىندى يەلەنسە, وتكەن جىلى وبلىس كومانداسى كوماندالىق ەسەپتە تۇڭعىش رەت 1-ءشى ورىنعا كوتەرىلدى. ءسويتىپ, «2013 جىل­عى رەسپۋبليكالىق عىلىمي جارىستىڭ ۇزدىك كومانداسى» اتاندى. ەندى, مىنە, سول جەڭىستىڭ كەزدەيسوقتىق ەمەس ەكەنىن تەرەڭ بىلىمدەرىمەن, ۇشقىر ويلارىمەن تاعى دالەلدەپ وتىر. كوسەمالى ساتتىباي ۇلى, «ەگەمەن قازاقستان». جامبىل وبلىسى.