كەشە پرەمەر-مينيستر كارىم ءماسىموۆ گرۋزيا سىرتقى ىستەر ءمينيسترى گريگول ۆاشادزەمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا ەكى جاقتى ساۋدا-ەكونوميكالىق قارىم-قاتىناستاردى دامىتۋ پەرسپەكتيۆالارى, اتاپ ايتقاندا, قازاقستاندىق كومپانيالاردىڭ گرۋزيا ەكونوميكاسىنىڭ ءتۇرلى سالالارىنا اتسالىسۋى جانە كولىك, ەنەرگەتيكا سالالارىنداعى قىزمەتتەستىكتى ۇلعايتۋ, سونداي-اق ينفراقۇرىلىمداردى دامىتۋ ماسەلەلەرى تالقىلاندى.
* * *
سول سياقتى وسى كۇنى ۇكىمەت باسشىسى كارىم ءماسىموۆ اۆتوكولىكتەردى تەحنيكالىق بايقاۋدان وتكىزۋ پروتسەدۋرالارىن جەتىلدىرۋ جانە تەحنيكالىق بايقاۋدىڭ دياگنوستيكالىق ستانسالارى جۇمىسىنىڭ ساپاسىنا باقىلاۋدى كۇشەيتۋ ماسەلەلەرى بويىنشا جۇمىس بابىنداعى كەڭەس وتكىزدى.