بۇگىنگى تاڭدا وبلىس, قالا ورتالىقتارىنان شالعاي قونىس تەۋىپ وتىرعان اۋىل تۇرعىندارى دا جىل وتكەن سايىن قۋانىش قۇشاعىنا كەنەلۋدە. اسىرەسە, ەلدى مەكەن تۇرعىندارىنىڭ سىمسىز تەلەفون جەلىسىمەن قالاارالىق, ونى ايتاسىز حالىقارالىق بايلانىستارعا شىعۋى وسى ويىمىزعا ايقىن ايعاق بولسا كەرەك. جاقىندا عانا سىر ەلىندەگى وسىنداي ءبىر اۋىل تۇرعىندارىنىڭ قۋانىشتى كۇنىنە كۋا بولدىق.
CDMA-450 ستاندارتىنىڭ سىمسىز بايلانىس جەلىسىنىڭ سەرپىندى جوباسى ۇكىمەت باسشىسىنىڭ اۋىلدىق ەلدى مەكەندەردى تەلەفونداندىرۋ تاپسىرماسىنا سايكەس جانە “30 كورپوراتيۆتىك كوشباسشىلار” مەملەكەتتىك باعدارلاماسى شەڭبەرىندە جۇزەگە اسىرىلۋدا. 2008 جىلدان باستاپ رەسپۋبليكا بويىنشا جوبا شەڭبەرىندەگى 399 بازالىق ستانتسيانىڭ قوندىرعىسى ارقىلى 220 مىڭنان اسا تەلەفون ءنومىرى قوسىلعان. قازىرگى ستانتسيالار شامامەن 1800 اۋىلدىق ەلدى مەكەندەرىن بايلانىسپەن قامتيدى.
قىزىلوردا وبلىسىندا جوبا شەڭبەرىندە 36 بازالىق ستانسا قوندىرىلىپ, شالعاي ەلدى مەكەندەردە شامامەن 17 مىڭ ءنومىر قوسىلعان. وسىنداي سيپاتتا قازىرگى كەزدە CDMA-450 ابونەنتتىك راديوقوسىلۋ جەلىسىمەن 263 اۋىلدىق ەلدى مەكەننىڭ 215-ءى قامتىلعان, ياعني سىر ەلىنىڭ اۋىلدىق جەرلەرىنىڭ 80 پايىزى قامتىلعان.
قىزىلوردا وبلىسىندا “CDMA-450 تەحنولوگياسىن پايدالانۋمەن اۋىلدىق تەلەكوممۋنيكاتسيا بايلانىسىن جاڭارتۋ جانە دامىتۋ” جوباسىنىڭ ءبىرىنشى كەزەڭى اياقتالدى. “قازاقتەلەكوم” اق فيليالى قىزىلوردا وبلىستىق تەلەكوممۋنيكاتسيالار ديرەكتسياسىنىڭ تاراپىنان 29 ساۋىردە اتالمىش تەحنولوگيا بويىنشا تەلەفونداندىرىلعان شيەلى اۋدانىنداعى قوسۇيەڭكى اۋىلىندا ءباسپاسوز-تۋرى وتكىزىلدى.
ماگيسترالدىق كوممۋنيكاتسيالاردان قاشىقتا ورنالاسقان قوسۇيەڭكى اۋىلىنىڭ تۇرعىندار سانى 180 ادامدى قۇرايدى. وسى ۋاقىتقا دەيىن بۇل جەردە تەك قانا جەرگىلىكتى اكىمشىلىك نەمەسە مۇمكىندىگىنشە الەۋمەتتىك نىساندار تەلەفونداندىرىلعان. 2008 جىلى CDMA-450 جەلىسىنىڭ دامۋ جوباسى بويىنشا شيەلى اۋدانىندا بيىكتىگى 50 مەترلىك انتەننا-دىڭگەكتىك قۇرىلعىسىمەن بازالىق ستانتسيا ورناتىلۋى قوسۇيەڭكى اۋىلىنىڭ تۇرعىندارىنا تەلەفون بايلانىسىنا قوسىلۋعا مۇمكىنشىلىك بەردى.
بۇگىنگى تاڭدا قوسۇيەڭكى اۋىلى قالاارالىق جانە حالىقارالىق بايلانىسقا قوسىلۋعا, سونىمەن بىرگە 128 كبيت/س جىلدامدىعىمەن CDMA-1ح تەحنولوگياسى بويىنشا عالامتور جەلىسىنە قوسىلۋعا رۇقساتى بار 18 تەلەفونمەن قامتىلعان.
ۇسىنىلىپ وتىرعان WLL CDMA تەحنولوگياسى شىعىنى مەن جوبانى جۇزەگە اسىرۋ مەرزىمدەرى جاعىنان دا, سونىمەن قاتار بەرىلگەن تەحنولوگيانىڭ كەلەشەك پايدالانۋ تۇعىرىنان قاراعاندا وتە ىڭعايلى, ۇتىمدى بولىپ تابىلادى.
ءباسپاسوز – تۋرى سوڭىنان وسى سالتاناتتى شاراعا قاتىسقان ءبىر توپ لاۋازىمدى تۇلعالارمەن اڭگىمەلەسكەن ەدىك.
قىزىلوردا وبلىستىق تەلەكوممۋنيكاتسيالار ديرەكتسياسىنىڭ باس ديرەكتورى س.بالتاباي ۇلى:
– بۇگىنگى تاڭدا وبلىس بويىنشا 80 پايىز اۋىلدىق ەلدى مەكەندەرى CDMA-450 ستاندارتى بويىنشا سىمسىز بايلانىسپەن قامتىلعان. وسى جوبانى جۇزەگە اسىرۋ بايلانىس قىزمەتىنە سۇرانىستاردى قاناعاتتاندىرۋعا جانە اۋىلدىق جەرلەردە تەلەفوندى ورناتۋ كەزەگىن جويۋعا, قاشىقتا ورنالاسقان شاعىن ەلدى مەكەندەردى بايلانىسپەن قامتۋعا ىقپال ەتەدى.
ەسكە سالساق, قازاقتەلەكومنىڭ جىگەرلىگىنىڭ ارقاسىندا, ءبىزدىڭ وبلىس ەڭ ءبىرىنشى بولىپ اۋىلدىق جەلىسىنىڭ 100 پايىز سانداندىرۋ دەڭگەيىنە جەتتى. سونىمەن بىرگە, ءبىزدىڭ وبلىس WLL CDMA جەلىسىن تاراتۋ جوباسىن ءبىرىنشى بولىپ اياقتايدى دەگەن ويعا سەنىمدىمىز.
“نۇر وتان” حدپ قىزىلوردا وبلىستىق فيليالىنىڭ توراعاسى ن.قۇدايبەرگەنوۆ:
– نەگىزگى ينفراقۇرىلىمنان قاشىقتا ورنالاسقان اۋىلداردىڭ الەۋمەتتىك دامۋ شارتىنىڭ ءبىرى – تەلەكوممۋنيكاتسيامەن قامتىلۋى. اۋىلداردى اۋدان ورتالىقتارىمەن بايلانىستىراتىن اۋە جەلىسى جانە راديوۇزارتقىشتار سەنىمسىز بولدى. ويتكەنى اۋا-رايىنىڭ قولايسىز كەزىندە شەت جەردە ورنالاسقان ايماقتارمەن بايلانىس ءبىراز ۋاقىتقا دەيىن بولماي قالاتىن.
ەگەر وسى جوبانىڭ شەڭبەرىندە جاقىن اراداعى بىرنەشە جىلدىڭ ىشىندە اۋىلدىق جەرلەردى عالامتورعا جانە تەلەفونياعا ەركىن قوسۋ ماقساتى ورىن-دالسا, بۇل ۇلكەن ءىس بولىپ تابىلادى.
اعىمداعى جىلدىڭ مامىر ايىندا قوستاناي وبلىسىنىڭ بازالىق ستانساسىندا ەV-DO جابدىعىنا قاناتقاقتى سىناق وتكىزۋ جوسپارلانعان. بۇل جابدىق كليەنتتەرگە عالامتور جۇيەسىنە قوسىلۋعا مۇمكىندىك بەرەدى. جەلىنىڭ جۇمىس ىستەپ تۇرعان ايماقتارىندا (2012 ج. دەيىن) كەزەڭ بويىنشا مالىمەتتەر بەرۋ جابدىعىمەن قامتاماسىز ەتۋ جوسپارلانۋدا. 2011 جىلدان باستاپ جاڭادان قوندىرىلعان بەكەتتەر ابونەنتتەردى داۋىسپەن جانە مالىمەتتەردى بەرۋ قىزمەتىمەن قامتاماسىز ەتەدى.
سونىمەن سىر ايماعى تۇرعىندارى تولىعىمەن سىمسىز بايلانىستارعا شىعۋدا. اللا جازسا, الداعى جىلدارى عالامتورعا دە شىقپاق.
ەركىن ءابىل.
قىزىلوردا وبلىسى, شيەلى اۋدانى.