وسىدان تۋرا ءبىر جىل بۇرىن, 2009 جىلدىڭ 28 ساۋىرىندە مۇناي ونىمدەرىن بولشەك ساتۋ نارىعىندا ۇلتتىق وپەراتور رەتىندە مەملەكەت اتىنان ارەكەت ەتەتىن جاڭا كومپانيا ومىرگە كەلدى. وسى جىلى “قازمۇنايگاز ونىمدەرى” اق ءوزىنىڭ كىشىگىرىم مەرەيتويىن – قۇرىلعانىنا ءبىر جىلدىعىن بىرقاتار الەۋمەتتىك جوبالارمەن اتاپ ءوتتى.
قالالىق باقتا تاڭەرتەڭنەن بولعان قاربالاس وتكەن-كەتكەننىڭ نازارىن اۋداردى. تاڭەرتەڭگىلىك جايماشۋاق كۇنى كۇرەك, سۋقۇيعىشتارمەن “قارۋلانعان” بىرقاتار ادامدار توبى اعاش ەگۋمەن قىزۋ اينالىسىپ جاتتى. 28 ءساۋىر كۇنى, “قازمۇنايگاز ونىمدەرى” اكتسيونەرلىك قوعامىنىڭ قىزمەتكەرلەرى وزدەرىنىڭ جۇمىس كۇنىن وسىلاي باستادى. ءبىر ساعاتتىڭ ىشىندە “قازمۇنايگاز ونىمدەرى” اق جەكە اللەياسى پايدا بولدى. ورتالىق باق ەندى ءتىپتى سۇلۋلانا ءتۇستى, قاز-قاتار تىزىلگەن پيراميدالى تەرەكتەر, تاتار ۇيەڭكىلەرى مەن تالدار جايقالىپ ءوسىپ, ەلوردا تۇرعىندارى مەن قوناقتارىنىڭ كوز جاۋىن الاتىن بولدى.
اعاشتاردى سالعاننان كەيىن كومپانيا دەلەگاتسياسى بىردەن №18 “اياجان” بالاباقشاسىنا باردى. بۇل مەكتەپالدى مەكەمەسىنىڭ باسقالارىنان ەرەكشەلىگى, مۇندا مۇمكىندىكتەرى شەكتەۋلى ءبۇلدىرشىندەر تاربيەلەنەدى.
ء“بىز بالالارعا, ءاسىرەسە كومەكتى شىنىمەن قاجەت ەتەتىندەرگە, ناقتى ىستەرمەن كومەك كورسەتكىمىز كەلدى. سىزدەردىڭ بالاباقشاڭىز – بتسس (دتسپ) اۋىراتىن بالالار توبى تاربيەلەنەتىن ەلورداداعى جالعىز بالاباقشا بولىپ تابىلادى. وسى سابيلەرىمىزدىڭ باقىتتى بالالىق شاعى بولىپ, ساۋىعىپ كەتۋىنە مۇمكىندىگى بولعانىن قالايمىز. ءبىز بارلىعىمىز دا بالا تاربيەلەپ وتىرعان اتا-انامىز, وسى بالالارىمىز ءۇشىن ءومىر ءسۇرىپ جاتىرمىز, ولار – ءبىزدىڭ بولاشاعىمىز, ولاردىڭ دەنى ساۋ بولىپ, باقىتتى بولعانىن تىلەيمىز”, – دەپ اتاپ ءوتتى ءوز سوزىندە “قازمۇنايگاز ونىمدەرى” اق باس ديرەكتورى جانات تۇسىپبەكوۆ.
تۋعان كۇندە سىيلىق الۋ ءداستۇرى قالىپتى بولسا, جاس ۇجىم ءبۇلدىرشىندەرگە وزدەرى كىشىگىرىم مەرەكە جاساپ بەردى. بالاباقشا ەسەپ-شوتىنا اۋدارىلعان ءبىر كۇندىك جالاقىلارىنان باسقا, كومپانيا قاجەتتى مەديتسينالىق جابدىقتار, ويىنشىقتار, DVD-ويناتقىشىمەن تەلەديدار ساتىپ الدى. سابيلەرگە سىيلىقتار وتە ۇنادى, ولار ريزاشىلىقتارىن بىلدىرە وتىرىپ, كەلگەن قوناقتارعا ءوز ونەرلەرىن كورسەتتى. بۇلدىرشىندەر ولەڭدەر وقىدى, اندەر ورىندادى, قوناقتارمەن بىرگە بي بيلەدى.
“ۇلكەن بولعاندا, مەن دارىگەر بولامىن جانە بالالاردى ەمدەيمىن”, – دەپ بالاباقشا تاربيەلەنۋشىسى ءادىلحان رامازانوۆ قوشتاساردا جانات تۇسىپبەكوۆكە ءسوز بەردى.
“قازمۇنايگاز ونىمدەرى” اق قۇرىلعان كەزەڭىنەن باستاپ مەملەكەتپەن قويىلعان الەۋمەتتىك ءمىندەتتەمەلەردى شەشۋ مۇمكىندىگىن جانە بيزنەسكە باعدارلانعان كۇشتى ۇيىم بولىپ قالۋدى وڭتايلى ۇيلەستىرە بىلگەنىن اتاپ وتكەنىمىز ءجون.
كومپانياعا وتاندىق اۋىل شارۋاشىلىعى وندىرۋشىلەرىنە ۋاقتىلى قولداۋ كورسەتۋ بويىنشا مىندەت جۇكتەلگەن. “قازمۇنايگاز ونىمدەرى” اق ەگۋ جانە جيناۋ ناۋقانى كەزەڭىندە ججم-دى جەڭىلدىكتى باعا بويىنشا ءۇزىلىسسىز جەتكىزۋدى قامتاماسىز ەتەدى.
ءبىر جىلدىق جۇمىسىنىڭ ىشىندە رەسپۋبليكانىڭ ءتۇرلى وبلىستارىندا رەسپۋبليكالىق, قالالىق جانە اۋداندىق ماڭىزداعى جولداردا بارلىعى 100-گە تارتا جانار-جاعارماي قۇيۋ ستانساسى پايدالانۋعا بەرىلدى. قازىرگى تاڭدا “قازمۇنايگاز” ساۋدا ءۇيى” اق قۇرامىندا بۇرىن ەنگىزىلگەن جمقس-ىن قوسا العاندا, جانار-جاعار ماي قۇيۋ ستانسالارىنىڭ جالپى سانى 270-ءتى قۇرايدى.
“قازمۇنايگاز ونىمدەرى” اق “سامۇرىق-قازىنا” ۇلتتىق ءال-اۋقات قورىنا ەنەدى. كومپانيا قوردىڭ باسقا دا قاتىسۋشىلارىمەن قاتار, ۇلتتىق ەكونوميكانىڭ تۇراقتانۋىنا جاردەم ەتەدى, مۇناي ونىمدەرىن بولشەك ساتۋ نارىعىندا باسەكەگە قابىلەتتىلىكتى جانە اشىقتىقتى دامىتۋعا بەلگىلى ءبىر ۇلەس قوسادى, سونداي-اق ۇكىمەت تاپسىرمالارىن ورىنداۋعا جاۋاپكەرشىلىكتە بولادى.