«ءتىل جانە تاۋەلسىزدىك» كورمە-بايقاۋى مارەگە جەتتى

ءتىل سارايىنىڭ الدىندا قىل­قا­لام شەبەرلەرىنىڭ تۋىندىلارى قو­يىلعان ء«تىل جانە تاۋەلسىزدىك» اتتى كور­مەنىڭ اشىلۋ سالتاناتى بولدى. كور­مەنىڭ لەنتا قيۋ راسىمىنە وب­لىس­­تىق ءماسليحاتتىڭ حاتشىسى ج.جور­گەنباەۆ, مەملەكەتتىك ەلتاڭبا اۆتورى ج.مالىبەك ۇلى, قازاقستان سۋرەتشىلەر وداعى­نىڭ توراعاسى ءو.جۇبانيازوۆ, قوعام قايراتكەرلەرى مەن بەلگىلى ءتىل جا­نا­شىرلارى ورازكۇل اسانعازى جانە اسىلى وسمان قاتىستى.

ەلگە, جەرگە دەگەن سۇيىسپەنشىلىك جا­نە جاس ۇرپاقتىڭ رۋحاني مادەنيەتىن دامىتۋ ماقساتىندا ۇيىمداستىرىلعان قىلقالام شەبەرلەرىنىڭ ء«تىل جانە تاۋەلسىزدىك» بايقاۋى قوعامداعى قا­زاق ءتىلىنىڭ دامۋ تاقىرىبىن اشۋ, تاۋەل­سىزدىكتىڭ سيمۆولىنا اينالعان مەملە­كەتتىك تىلگە دەگەن قىزىعۋشىلىق پەن قۇرمەتكە بەينەلەۋ ونەرى ارقىلى تار­بيەلەۋدى ماقسات تۇتادى. بۇل جو­لى بايقاۋعا 109 سۋرەتشى قاتىسىپ, ولار­دىڭ قىلقالامىنان تۋعان 164 كارتينا كورەرمەن نازارىنا ۇسىنىلدى. قاتىسۋشىلاردىڭ ەڭ ۇلكەنى تۇركىستان وبلىسى تۇلكىباس اۋدانىنان كەلگەن 66 جاستاعى تۇرعىن بولسا, ەڭ كىشى قاتى­سۋشى 9 جاسار ماڭعىستاۋ وبلىسى جاڭا­وزەن قالاسىنان كەلگەن مەكتەپ وقۋشىسى بولدى.

– «بۇلاق كورسەڭ كوزىن اش» دەگەندەي, تالانت جاس تالعامايتىنىن ەسكەرە وتىرىپ, بايقاۋعا كاسىبي سۋرەتشىلەرمەن قاتار وقۋشى, ستۋدەنت جاستارعا قاتىسۋعا جانە ءار قاتىسۋشىعا بىرنەشە تۋىندى ۇسىنۋعا مۇمكىندىك بەرىلدى. الامانعا كەڭ بايتاق ەلىمىزدىڭ ءار تۇكپىرىنەن قىلقالام شەبەرلەرى ات قوستى. شىعىس قازاقستان, ماڭعىستاۋ, تۇركىستان, قوستاناي, پاۆلودار, اقتوبە, الماتى وبلىستارى مەن الماتى, نۇر-سۇلتان قالالارىنان كەلگەن تۋىندىلاردىڭ جازۋ تەحنيكاسى دا ءارتۇرلى بولدى, ولار مايلى بوياۋ, اكۆارەل, گريزال, شىنى, يمپاتو, سونداي-اق ساندىك قول­دانبالى ونەر ستيلىندەگى جۇمىستار رەتىندە ەرەكشەلەندى, – دەيدى وبلىستىق تىلدەردى دامىتۋ باسقارماسىنىڭ باسشىسى بولات كەرىمبەك.

بايقاۋدا سۋرەتشى مارات ابدرەەۆ­تىڭ «بابالار ارمانى» كارتيناسى ەڭ ۇز­دىك دەپ تانىلىپ, بايقاۋدىڭ باس جۇل­دەسىن قانجىعالادى. 1-ورىنعا ومىربەك جۇبانيازوۆ يە بولدى. 2-ورىندى اينۇر ومىرزاق پەن ايجان بازاربەكوۆا ەنشىلەدى.