ناقتى ىستەر مەن ۇسىنىستار
مەملەكەت باسشىسىنىڭ حالىققا ارناعان جولداۋىن تىڭداپ, ءوز پىكىرلەرىن ءبىلدىرىپ جاتقان ارىپتەستەرمەن اڭگىمەمىز كوتەرىڭكى كۇيدە ءوربىدى. «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋدان تۇيگەن وي كوپ.
ءبىزدىڭ كىتاپحانانىڭ 23 فيليالى, 85 قىزمەتكەرى قالا اۋماعىندا وقىرماندارعا قىزمەت كورسەتەدى. ياعني قالا تۇرعىندارىنىڭ پىكىرىنە دە قانىقپىز. پاندەميادان كەيىنگى ەكونوميكالىق احۋالدى تۇزەتۋگە باعىتتالعان ناقتى ىستەر, اۋىل شارۋاشىلىعىنداعى احۋال, جايىلىمنىڭ جايى, بيىلعى قۇرعاقشىلىقتان الىنعان ساباقتار, بۇل ورايدا اسا ماڭىزدى 120 كانالدىڭ قايتا جاڭعىرتىلۋى, جاڭادان 9 سۋ قويماسىنىڭ سالىنۋى سىندى باستامالار مەن ايقىن ماقساتتار كوپشىلىكتىڭ قولداۋىن تابۋدا. ىندەتپەن كۇرەس باستى ورىنعا شىققان بۇگىنگىدەي ۋاقىتتا دەنساۋلىق ساقتاۋ جۇيەسىنىڭ تيىمدىلىگىن ارتتىرۋ ماڭىزدى. ارىپتەستەرىم, ياعني كىتاپحاناشىلار حالقىمىزدىڭ ءال-اۋقاتىن ارتتىرۋعا باعىتتالعان باستامالار موتيۆاتسيا بەرەتىنىن, ەرتەڭگى كۇنگە سەنىمدى نىعايتىپ جىگەرلەندىرە تۇسەتىنىن ايتۋدا.
ءنۇريلا جۇمانوۆا,
شىمكەنت قالالىق اباي اتىنداعى
ورتالىقتاندىرىلعان كىتاپحانالار جۇيەسىنىڭ ديرەكتورى
مادەنيەت – رۋحانياتتىڭ دىڭگەگى
تاۋەلسىزدىكتىڭ 30 جىلدىعى قارساڭىندا مەملەكەت باسشىسى قاسىم-جومارت توقاەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىن جاريالادى. بۇل قۇجات الەم مەملەكەتتەرىندەگى ءتۇرلى ساياسي احۋال مەن ەلىمىزدەگى بولىپ جاتقان جاعدايلاردان كوڭىلى كۇپتى بولعان حالىقتىڭ كوكەيىنە ءۇمىت پەن سەنىم ۇيالاتقانداي بولدى.
جولداۋدا حالىقتىڭ ءال-اۋقاتى مەن تۇرمىستىق جاعدايىن كوتەرىپ, مەديتسينا مەن بىلىمگە تىڭ سەرپىن بەرەتىن ماسەلەلەر قامتىلعان. سونداي-اق ءوزىم مادەنيەت سالاسىنىڭ قىزمەتكەرى بولعاندىقتان, وسى سالاداعى مامانداردىڭ جالاقىسى 2022-2025 جىلدار ارالىعىندا جىل سايىن 20 پايىزعا كوتەرىلەتىنىنە ەرەكشە قۋاندىم. مادەنيەت – رۋحانياتتىڭ التىن دىڭگەگى, سان عاسىرلار بويى ۇلتتىق قۇندىلىعىمىزدى ناسيحاتتاۋشى. مادەنيەت سالاسىندا قىزمەت ەتەتىن ماماندارعا قولداۋ كورسەتۋ ولاردىڭ ەركىن كوسىلۋىنە جول اشادى. كىتاپحاناشىلار جولداۋدىڭ حالىق اراسىندا كەڭىنەن ناسيحاتتالۋىن جۇزەگە اسىراتىن بولامىز.
گۇلنۇر التىنبەكوۆا,
جامبىل وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسى ديرەكتورىنىڭ ورىنباسارى
ەڭبەگىمىز ەلەنەتىن بولدى
جولداۋدان جاقسىلىق كۇتەتىنىمىز راس. بۇل جولى دا پرەزيدەنتىمىز قاسىم-جومارت توقاەۆ بىرقاتار ماڭىزدى ماسەلەنىڭ باسىن اشىپ ايتتى, ۇكىمەتكە ءتيىستى تاپسىرمالار بەردى.
ارينە, كىتاپحانادا قىزمەت ەتەتىندىكتەن, مادەنيەت سالاسى ماماندارىنىڭ جالاقىسى جونىندە ايتقانى ءبارىمىزدى ەلەڭ ەتكىزدى. سەبەبى كوپ جىلدان بەرى كىتاپحانا قابىرعاسىندا از عانا جالاقىعا جۇمىس ىستەپ جۇرگەن ماماندارىمىز بار. كەرىسىنشە, جالاقىنى ازسىنىپ, جۇمىستان كەتىپ جاتقان بىلىكتى, ءبىلىمدى جاستارىمىز قانشاما؟! سوندىقتان دا بۇل ماسەلەگە پرەزيدەنتتىڭ نازار اۋدارعانى شىن قۋانتتى. اسىرەسە كىتاپحانا, مۇراعات, مۋزەي قىزمەتكەرلەرىنە قوسىمشا تابىس تابۋعا مۇمكىندىك بولمايدى. بولماعان سوڭ دا ءبىر جالاقىمەن جان باعۋعا ءماجبۇر. الايدا ولاردىڭ رۋحانيات ءۇشىن ءسىڭىرىپ جۇرگەن ەڭبەكتەرى وراسان. مەملەكەت باسشىسى نازار اۋداردى, مىنە. ەرتەڭگى كۇنى جالاقى كوبەيىپ, الەۋمەتتىك ءال-اۋقاتىمىز ارتىپ جاتسا, ەڭبەگىمىزدىڭ جەمىسى دە ەكى ەسەلەنەرى ءسوزسىز.
جولداۋدى وقىپ وتىرساق, حالىقتىڭ ءال-اۋقاتىن ارتتىرۋعا باعىتتالعان ءار جولى ماڭىزدى.
جانات جيەنبەكوۆا,
ورالحان بوكەي اتىنداعى
وسكەمەن قالالىق كىتاپحاناسى ديرەكتورىنىڭ ورىنباسارى