ءتۇيىندى ماسەلەلەر شەشىمىن تاپتى

پرەزيدەنتتىڭ ونەركاسىپتىك ساياساتتى قالىپتاستىرۋ جو­نىن­­دەگى پايىمىن ەرەكشە اتاپ وتكىم كەلەدى. اۋىل شا­رۋاشى­لىعىنىڭ ءالسىز تۇس­تارى ءدال انىقتالعان.

بيىلعى جىلى ۇكىمەت فەر­مەر­لەردىڭ ونسىز دا از تابى­سىن تىيىم سالۋ شارالارى­­مەن تومەندەتپەۋى وتە ما­ڭىز­دى. اۋىل شارۋاشىلى­عى مي­نيستر­لىگى اۋىل شارۋاشىلى­عىن دامىتۋمەن, فەرمەرلەردىڭ كىرىستەرىن ارتتىرۋمەن اينالىسۋى كەرەك, كەرىسىنشە ەمەس! سوندىقتان پرەزيدەنت ازىق-ت ۇلىك تاۋارلارىنىڭ باعاسىن باقىلاۋ بويىنشا مەملەكەتتىك ورگانداردىڭ جاۋاپكەرشىلىگىن اجىراتۋ كەرەكتىگىن دۇرىس ايتتى.

سونداي-اق ەلىمىز ءۇشىن ستراتە­گيالىق ماڭىزدى شەشىم – بيولوگيالىق قاۋىپسىز­دىك جونىندەگى ۇلتتىق جۇيە قۇرۋ­دى دا ايتىپ ءوتتى. كورونو­ۆيرۋس پاندەمياسى بۇل ماسەلە بويىنشا الدىن الا ىسپەن قام­دانۋ كەرەك ەكەنىن دالەلدەدى.

مەملەكەت باسشىسى تسيفر­لىق تەحنولوگيالاردى ەندىرۋ ارقىلى سۋ پروبلەمالارىن شەشۋ قاجەتتىگىنە باسا نازار اۋداردى. 2025 جىلعا قاراي ەلىمىزدىڭ بارلىق حالقى ساپالى اۋىز سۋمەن قامتاماسىز ەتىلەتىنى ماڭىزدى.

مەنىڭ ويىمشا, قوعام پرەزي­دەنتتىڭ ەلدەگى ەڭ تومەن­گى جالاقىنى 60 مىڭ تەڭگەگە دەيىن, ياعني 30%-عا دەيىن كو­تەرۋ تۋرالى باستاماسىن جاق­سى قابىلدادى. بۇل ءبىزدىڭ ميل­ليونداعان ازا­ماتتارىمىزدىڭ ءومىر ءسۇرۋ دەڭگەيىن ارتتىرۋعا با­عىت­تالعان مەملەكەت باسشى­سى­نىڭ ماڭىزدى شەشىمى.

سەنات دەپۋتاتى رەتىندە مەن ۇكىمەت الدىندا بىر­نەشە رەت ءسوز سويلەپ, باق-تا عىلىمي جوب­الاردى قارجى­لان­دىرۋ مەر­زىمىن 3 جىلدان 5 جىلعا دە­يىن جانە ودان دا كوپ ۋاقىت­قا ۇزارتۋ قاجەتتىگى تۋرالى جازىپ تا ءجۇردىم. بۇل ماسە­لەنى كوپتەگەن جىل بويى عالىمدارىمىز كوتەرگەن بولاتىن. مەملەكەت باس­شى­سى عىلىمي گرانتتاردى جۇزەگە اسىرۋ مەرزىمىن بەس جىل­عا دەيىن ۇلعايتۋدى تاپ­سىر­دى. بۇل وتاندىق عىلىم­نىڭ دامۋىنا جاقسى سەرپىن بولادى دەپ ويلايمىن.

وسىلايشا, ەلدىڭ الەۋمەت­تىك-ەكونوميكالىق دامۋىنىڭ باسىمدىقتارى ايقىندالدى. ەندى پرەزيدەنت ايتقان­داي, «...ءبىزدىڭ دامۋىمىز­دىڭ شەشۋ­شى كەزەڭى باستالدى جانە مەملەكەتتىك اپپارات بىرىڭ­عاي تەتىك رەتىندە جۇمىس ىستەۋگە مىندەتتى. تەك وسىنداي جاع­دايدا عانا ءبىز العا قويعان ماق­ساتتارىمىزعا جەتۋدى قامتاماسىز ەتەمىز».

اقىلبەك كۇرىشباەۆ,

سەنات دەپۋتاتى