بايقوڭىر قالاسى اكىمشىلىگىنىڭ باسشىسى بايقوڭىر كەشەنىنىڭ باس مەملەكەتتىك سانيتارلىق دارىگەرىنىڭ ۇسىنىستارى نەگىزىندە قالاسداعى كارانتين رەجيمىن 12 قىركۇيەككە دەىن ۇزارتتى, دەپ جازادى Egemen.kz.
قاۋلىعا سايكەس, قالادا كوروناۆيرۋس ينفەكتسياسىن تاراتپاۋ ءۇشىن قولدانىستاعى شەكتەۋ شارالارى ساقتالادى. سونىمەن قاتار, №3 باقىلاۋ-وتكىزۋ بەكەتى ارقىلى ساعات كەشكى 21.00-دەن تاڭعى 08.00-گە دەيىن كولىكتەر مەن ادامداردىڭ وتۋىنە شەكتەۋ ەنگىزىلدى.
قالالىق جەدەل شتاب بايقوڭىرداعى ەپيدەميولوگيالىق احۋال ءماز ەمەس ەكەنىن مالىمدەدى. سوڭعى ەكى اپتاداعى رەسمي مالىمەتتەردە 2021 جىلدىڭ 13-27 تامىزى ارالىعىندا 278 ادام كوروناۆيرۋسپەن اۋىرعانى كورسەتىلگەن. ال ۆيرۋس جۇقتىرعانداردىڭ جالپى سانى 1945 ادامنان 2223 ادامعا دەيىن ءوستى. 14 كۇن ىشىندە 11 ءولىم تىركەلدى. بۇل پاندەميا باستالعاننان بەرگى ەپيدەميالىق جاعداي بويىنشا ءابسوليۋتتى رەكوردتىق كورسەتكىش. 48 ادام جۇقپالى اۋرۋلار اۋرۋحاناسىندا ەمدەلىپ جاتىر.
بايقوڭىر قالاسىنىڭ جەدەل شتابى ينفەكتسيانىڭ الدىن الۋ بويىنشا بارلىق شارالاردى ساقتاۋعا, جاپپاي ۆاكتسينا سالدىرۋدى جالعاستىرۋعا شاقىرادى.