جىر الىبى جامبىلدىڭ اتىن العان ءوڭىردىڭ الەۋمەتتىك-ەكونوميكالىق دامۋ ۇدەرىسى قاي سالادا بولماسىن جىلدان-جىلعا دامىپ, جاڭعىرىپ, جاڭارىپ كەلەدى.
جىر الىبى جامبىلدىڭ اتىن العان ءوڭىردىڭ الەۋمەتتىك-ەكونوميكالىق دامۋ ۇدەرىسى قاي سالادا بولماسىن جىلدان-جىلعا دامىپ, جاڭعىرىپ, جاڭارىپ كەلەدى.
وتكەن جىلدىڭ قاڭتار-جەلتوقسانىندا وبلىستىڭ ونەركاسىپ كاسىپورىندارىندا 237,8 ميلليارد تەڭگەنىڭ ءونىمى ءوندىرىلدى. اۋىل شارۋاشىلىعىنىڭ جالپى ءونىم كولەمى 122,8 ميلليارد تەڭگەنى قۇرادى. نەگىزگى كاپيتالعا سالىنعان ينۆەستيتسيالار 248,5 ميلليارد تەڭگە بولدى. قۇرىلىس جۇمىستارىنىڭ كولەمى 132 ميلليارد تەڭگەنى قۇرادى. پايدالانۋعا بەرىلگەن تۇرعىن ۇيلەردىڭ جالپى كولەمى 256,7 مىڭ شارشى مەتر. قاتارعا قوسىلعان جاڭا شاعىن اۋدان مەن ونەركاسىپ ايماقتارى ارقىلى وبلىس ورتالىعى – تاراز قالاسىنىڭ اۋماعى بۇرىنعىدان ەداۋىر ۇلعايا ءتۇستى.
ءبىلىم بەرۋ نىساندارىن سالۋعا جانە جاڭعىرتۋعا وتكەن جىلى 5509,8 ميلليون تەڭگە ءبولىنىپ, 6 مەكتەپ, 3 بالاباقشا پايدالانۋعا بەرىلدى. دەنساۋلىق ساقتاۋ جۇيەسىن قارجىلاندىرۋعا 35,6 ميلليارد قارجى قاراستىرىلدى. سونىڭ ناتيجەسىندە زامان تالابىنا ساي جابدىقتالعان بىرنەشە جاڭا اۋرۋحانا حالىققا قالتقىسىز قىزمەت كورسەتە باستادى.
جاڭادان سالىنعان «تاراز-ارەنا» سپورت سارايى وبلىس ورتالىعىنىڭ اجارىن اشىپ, وندا سپورتتىڭ تۇرلەرى بويىنشا حالىقارالىق جارىستار وتكىزىلە باستادى. وسى يگىلىكتىڭ ءبارى, سايىپ كەلگەندە, جامبىلدىقتاردىڭ كوڭىلىن قاناتتاندىرىپ, الەۋمەتتىك جاعدايىن جاقسارتىپ, رۋحىن كوتەرىپ, جۇرەكتەرىنە ماڭگىلىك ەلدىڭ ەرتەڭىنە دەگەن نىق سەنىم ۇيالاتتى.
جاسا, جامبىل ءوڭىرى!
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
سۋرەتتەردى تۇسىرگەندەر ەرلان وماروۆ,
اقادىل رىسماحان, التىنبەك قارتاباي.