قاراپايىم تۇرعىندار ءۇشىن قولجەتىمدى جانە كاسىبي تۇرعىدان ۇزدىك, تەحنيكالىق جاعىنان دەڭگەيى جوعارى جەدەل مەديتسينالىق ءجاردەم قىزمەتتەرىن ۇسىنۋ جۇمىسى وبلىستا جاقسى جولعا قويىلعان. وتكەن جىلى وبلىستا بۇل قىزمەت ءتۇرىنىڭ 5 بولىمشەسى اشىلدى. اتاپ ايتساق, ولار – تاراز قالاسىنىڭ «بايتەرەك» شاعىن اۋدانىندا جانە مويىنقۇم, بايزاق, جامبىل جانە قورداي اۋداندارىندا ىسكە كىرىستى. مەديتسينالىق قىزمەتتىڭ بۇل تۇرىنە حالىقتىڭ دا سەنىمى نىعايىپ, تۇرعىنداردىڭ ارىز-شاعىمدارى دا ازايا تۇسكەن.
قاراپايىم تۇرعىندار ءۇشىن قولجەتىمدى جانە كاسىبي تۇرعىدان ۇزدىك, تەحنيكالىق جاعىنان دەڭگەيى جوعارى جەدەل مەديتسينالىق ءجاردەم قىزمەتتەرىن ۇسىنۋ جۇمىسى وبلىستا جاقسى جولعا قويىلعان. وتكەن جىلى وبلىستا بۇل قىزمەت ءتۇرىنىڭ 5 بولىمشەسى اشىلدى. اتاپ ايتساق, ولار – تاراز قالاسىنىڭ «بايتەرەك» شاعىن اۋدانىندا جانە مويىنقۇم, بايزاق, جامبىل جانە قورداي اۋداندارىندا ىسكە كىرىستى. مەديتسينالىق قىزمەتتىڭ بۇل تۇرىنە حالىقتىڭ دا سەنىمى نىعايىپ, تۇرعىنداردىڭ ارىز-شاعىمدارى دا ازايا تۇسكەن.
جاقىندا قالالىق جەدەل ءجانە شۇعىل مەديتسينالىق كومەك بەكەتىنە جاڭا 6 رەانيموبيل مەن 2 جەلىلىك كولىك بەرىلدى. ال اۋداندارعا وسىنداي 2 جەدەل جاردەم جونەلتىلدى. وبلىس بويىنشا جالپى 93 سانيتارلىق كولىك بار. ولاردىڭ بارلىعى العاشقى كومەك كورسەتۋگە قاجەتتى مەديتسينالىق قۇرىلعىلارمەن, راديودىبىستارمەن تولىق جابدىقتالعان.
– ناۋقاستارعا قاراي كەز كەلگەن ۋاقىتتا قۇستاي ۇشۋعا ساقاداي-ساي تۇراتىن كولىكتەردىڭ ءجونى بولەك. ال جاڭا كولىك حالىققا مەديتسينالىق قىزمەت كورسەتۋ ساپاسىنىڭ جاقسارۋىنا قاشاندا وڭ ىقپال ەتەدى. ءبىز باعدارلاما بويىنشا جيىرمادان استام رەانيموبيل الۋعا ءتيىسپىز. سوندىقتان, ەندى 14 جەدەل جاردەم كولىگىن كۇتىپ وتىرمىز, – دەيدى قالالىق جەدەل جاردەم قىزمەتى بەكەتىنىڭ باس دارىگەرى ۆەنەرا بالقىبەكوۆا.
مەديتسينالىق كومەكتىڭ جوعارى ستاندارتتارىنا سايكەس جانە تۇرعىنداردىڭ سۇرانىسىن قامتاماسىز ەتەتىن, اۋرۋحاناعا دەيىنگى كومەك كورسەتۋدىڭ ءتيىمدى جۇيەسىن قۇرۋدى ماقسات تۇتقان وبلىستىق دەنساۋلىق ساقتاۋ باسقارماسى «سالاماتتى قازاقستان» باعدارلاماسى اياسىندا مەديتسينا مەكەمەلەرىن قاجەتتى قۇرال-جابدىقتارمەن, سونداي-اق, كولىكتەرمەن قامتاماسىز ەتۋدى الداعى ۋاقىتتاردا دا وسىلاي جاعىمدى جاڭالىقتارمەن جالعاستىرا بەرەتىن بولادى.
كوسەمالى ساتتىباي ۇلى,
«ەگەمەن قازاقستان».
تاراز.