مەملەكەت باسشىسى نۇرسۇلتان نازارباەۆ استانا قالاسىنداعى كونگرەسس-حوللدا وتكەن رەسپۋبليكالىق ۇلاننىڭ پرەزيدەنتتىك وركەسترىنىڭ كونتسەرتىن تاماشالادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
پرەزيدەنتتىك وركەستردىڭ كونتسەرتتىك باعدارلاماسى ۇلى وتان سوعىسىنداعى جەڭىستىڭ 65 جىلدىعىنا ارنالعان. ماحمۇت قاسىمبەكوۆتىڭ سوزىنە جازىلىپ, مەملەكەت باسشىسىنا ارنالعان بەكبولات تىلەۋحان مەن رۇستەم بەيسەن ۇلىنىڭ “جان اعا” اتتى ءانى, سونداي-اق اقىن نەسىپبەك ايت ۇلىنىڭ سوزىنە جازىلعان رەسپۋبليكالىق ۇلاننىڭ اسكەري قىزمەتكەرلەرى تالعات بەردىعۇلوۆ پەن نۇرلان قامزيننىڭ “استانا تۋرالى تولعاۋ” اتتى ءانى العاش رەت شىرقالدى.
باعدارلامادا سونداي-اق وركەستردىڭ ورىنداۋىندا حالىق كومپوزيتورى تۇركەشتىڭ كۇيى “كوڭىل اشار”, الەم ەلدەرىنىڭ مۋزىكالىق شىعارمالارىنان پوپۋرري, سونىمەن قاتار قازاق, ورىس جانە قىتاي حالىق بيلەرى ورىندالدى.