ۇلى وتان سوعىسىنىڭ وتتى جىلدارىن باسىنان كەشىپ, تۋعان ەلىنىڭ, جاس ۇرپاقتىڭ باقىتتى بولاشاعى ءۇشىن قاھارماندىقپەن كۇرەسكەن سوعىس ارداگەرلەرىنە دەگەن قۇرمەت پەن ءىلتيپات ۇلعايا تۇسۋدە. ۇلان-بايتاق ەلىمىزدە سوعىس جانە ەڭبەك ارداگەرلەرىنە قامقورلىق پەن كومەك كورسەتۋ اياسىنىڭ كەڭەيە ءتۇسۋى دە وسى ۇدەرىستەردىڭ ايقىن ايعاعى. مەملەكەت باسشىسىنىڭ قازاقستان حالقىنا بيىلعى جولداۋىندا اعا ۇرپاققا دەگەن قامقورلىق اياسىن كەڭەيتۋ جونىندە اتاپ ايتىلعان بولاتىن.
الماتى قالاسىنداعى 28-پانفيلوۆشىلار ساياباعىندا مايدانگەرلەرگە ارنالىپ وتكىزىلگەن “جايقالا بەرسىن بۇتاعىڭ, ۇمىتپاي ءجۇرسىن ۇرپاعىڭ” اتتى اكتسيا سونىڭ ءبىر جارقىن كورىنىسى بولدى. اكتسيا شەڭبەرىندە ۇلى وتان سوعىسىنىڭ 30 ارداگەرىنە جانە ەڭبەك مايدانىنا قاتىسۋشىلارعا ۇلى جەڭىستىڭ 65 جىلدىعىنا ارنالعان مەرەكەلىك مەدالدار سالتاناتتى تۇردە تاپسىرىلدى.
سونىمەن قاتار, ۇلى وتان سوعىسىنىڭ ارداگەرلەرىن مەدەۋ اۋدانىنىڭ اكىمى م.بەيدالي ۇلى جەڭىس مەرەكەسىمەن قۇتتىقتاپ, ولارعا جىلى لەبىز ءبىلدىردى. مەرەكەلىك ءىس-شارا بارىسىندا مايدانگەرلەرمەن قاتار, قالاداعى ورتا مەكتەپتىڭ وقۋشىلارى 28-پانفيلوۆشىلار ساياباعىندا جاس شىرشا كوشەتتەرىن وتىرعىزدى.
باقىت بالعارينا, الماتى.