31 جاستاعى قازاقستان قۇراماسىنىڭ بۇرىنعى جارتىلاي قورعاۋشىسى ۇلان قونىسباەۆ جاقىن ارادا «تاراز» ويىنشىسى اتانۋى مۇمكىن, دەپ حابارلايدى Egemen.kz aladop.kz سايتىنا سىلتەمە جاساپ.
جامبىلدىق كلۋبتىڭ تۇلەگى سوڭعى ەكى جىل بويى جاراقاتىنا بايلانىستى فۋتبولدان قول ءۇزىپ قالعان ەدى. وتكەن جىلى گەرمانيادا جاساتقان وتاسى ءساتتى وتسە كەرەك, فۋتبولشى كاسىبي مانسابىن قايتا جانداندىرۋ تۋرالى شەشىم قابىلدادى.
بۇعان دەيىن قونىسباەۆتىڭ «تاراز» كلۋبىمەن ءبىر مامىلەگە كەلگەنى حابارلانعان ەدى. ال كەشە فۋتبولشى ءوزىنىڭ ينستاگرام پاراقشاسىندا تارازداعى ورتالىق ستاديوندا جۇرگەنىن جاريالادى.