ەلباسى نۇرسۇلتان نازارباەۆتىڭ يادرولىق قارۋسىز الەم قۇرۋ جونىندەگى باستامالارى حالىقارالىق قوعامداستىق تاراپىنان وڭ باعاسىن الىپ وتىر
12-14 ءساۋىر ارالىعىندا ۆاشينگتوندا يادرولىق قاۋىپسىزدىك جونىندەگى جاھاندىق سامميت بولىپ ءوتتى. وعان 47 جەتەكشى مەملەكەتتىڭ ليدەرلەرى قاتىسىپ, قارۋسىزدانۋ, اتوم ەنەرگياسىن بەيبىت ماقساتقا عانا پايدالانۋ جانە يادرولىق ماتەريالداردى كونتراباندالىق جولمەن ساتۋ ماسەلەلەرىنە قاتىستى وزدەرىنىڭ ويلارىن ورتاعا سالدى. يادرولىق تەحنولوگيالارعا ءتيىمدى باقىلاۋدى قالاي ورناتۋعا بولادى جانە تاۋەلسىز ەلدەردىڭ بەيبىت اتومدى دامىتۋ قۇقىنا كەپىلدىكتى قالاي جاساعان ءجون؟ يادرولىق سالاداعى جاساندى ەمەس, ناقتىلى تەڭدىكتى قالاي ورناتپاق كەرەك؟ قازاقستان پرەزيدەنتى ن.نازارباەۆ ءوزىنىڭ رەسەيلىك “يزۆەستيا” گازەتىندەگى ماقالاسىندا وسى ماسەلەلەردى شەشۋدىڭ جاڭا جولدارىن اتاپ بەرگەن ەدى.
جاقىندا ادامزات ەكىنشى دۇنيەجۇزىلىك سوعىستىڭ اياقتالعان مەرەيتويىن اتاپ وتەدى. الەمدە ءالى دە وسى سوعىسقا قاتىسقان ميلليونداعان ادام بار. بىراق تاريح پەن وسى زاماننىڭ ايىرماشىلىعى سول, اقش-تىڭ بۇرىنعى ۆيتسە-پرەزيدەنتى ۋولتەر موندەيل ايتقانداي, ء“ۇشىنشى دۇنيەجۇزىلىك سوعىسقا قاتىسۋشىلار قالمايدى”. قازىرگى زاماننىڭ جىلدام وزگەرەتىن جاڭالىقتارى قاۋىپسىزدىكتىڭ ەسكى تەتىكتەرىنە جاڭاشا قاراۋدى قاجەت ەتەدى. سونىڭ ىشىندە, ارينە, يادرولىق قاۋىپسىزدىك ءبىرىنشى ورىندا.
ءبىز تومەندە ەلباسى ن.نازارباەۆتىڭ اتالمىش ماقالاسىنداعى جانە يادرولىق قارۋسىزدانۋعا بايلانىستى وتكەن جاھاندىق سامميتتە سويلەگەن سوزىندەگى نەگىزگى ماسەلەلەرگە توقتالعاندى ءجون كورىپ وتىرمىز.