شاكەن ايمانوۆ اتىنداعى «قازاقفيلم» كينوستۋدياسى «توميريس» كوركەم ءفيلمى Amazon Prime ستريمينگ پلاتفورماسىندا كورسەتىلە باستاعانىن ءمالىم ەتتى, دەپ حابارلايدى Egemen.kz
«كينوستۋديا جارىققا شىعارعان «توميريس» ءفيلمى ەڭ ءىرى ستريمينگ پلاتفورمالاردىڭ بىرىنە شىقتى. رەجيسسەر اقان ساتاەۆ تۇسىرگەن تاريحي كينوتۋىندى كانادالىق جانە امەريكاندىق كورەرمەندەر ءۇشىن Amazon Prime حالىقارالىق بەينە پلاتفورماسىنىڭ قورىن كوبەيتتى», دەپ جازدى مەكەمە Instagram پاراقشاسىندا.
ايتا كەتۋ كەرەك, كۇنى بۇگىنگە دەيىن «توميريس» ءفيلمى 10-نان استام تىلگە اۋدارىلىپ, دۋبلياجدالدى. ەسكە سالا كەتەيىك, ءبىز بۇعان دەيىن «توميريس» كينوتۋىندىسى پاريجدە وتكەن L’Etrange Festival كينوفەستيۆالىنىڭ تولىق مەتراجدى فيلمدەر سەكتسياسىندا Nouveau Genre گران-ءپريىن جەڭىپ العانىن جازعان بولاتىنبىز.