قازاقستاندا كۇنباعىس مايى قىمباتتادى. كەيبىر وڭىردە باعا ليترىنە 732 تەڭگەگە دەيىن جەتكەن. سونىمەن قاتار تازارتىلعان ماي ءوندىرىسى ءبىر جىلدا بىردەن 54,4 پايىزعا ءوستى, دەپ حابارلايدى Egemen.kz Energyprom.kz-كە سىلتەمە جاساپ.
ەلدەگى بازارلار مەن دۇكەندەردە كۇنباعىس مايىنىڭ ءليترى 637 تەڭگەدەن ساۋدالانۋدا. بۇل وسىدان ءبىر اي بۇرىنعىعا قاراعاندا 1,9 پايىزعا جانە ءبىر جىل بۇرىنعىعا قاراعاندا 44,3 پايىزعا قىمبات.
2021 جىلدىڭ ءبىرىنشى توقسانىندا ەلدە 50,9 مىڭ توننا تازارتىلماعان كۇنباعىس مايى ءوندىرىلدى. بۇل ءبىر جىل بۇرىنعىعا قاراعاندا 14,9 پايىزعا كوپ. تازارتىلعان ماي ءوندىرىسى ءبىر جىلدا بىردەن 54,4 پايىزعا, 45,2 مىڭ تونناعا دەيىن وسكەن.
ەلىمىزدە تازارتىلماعان كۇنباعىس مايىن شىعارۋ نەگىزىنەن شىعىس قازاقستان, قوستاناي جانە اقتوبە وبلىستارىنا تيەسىلى. تازارتىلعان مايدى ءوندىرۋ بويىنشا شىمكەنت, سونداي-اق شىعىس قازاقستان وبلىسى مەن الماتى كوش باستايدى.
ايتا كەتەيىك, قازاقستاندىق بەس ءىرى كۇنباعىس مايىن ءوندىرۋشىنىڭ مونوپولياعا قارسى زاڭنامانى بۇزعانى انىقتالدى. بۇل تۋرالى باسەكەلەستىكتى قورعاۋ جانە دامىتۋ اگەنتتىگى مالىمدەدى. وسى جىلدىڭ العاشقى ەكى ايىندا كۇنباعىس مايى 6,7 پايىزعا قىمباتتاعان.