تاياۋدا الماتىداعى گۋمانيتارلىك كوللەدجى مەن ء«وزىن-ءوزى تانۋ» گيمنازياسىنىڭ 245 تۇلەگىنىڭ قاتىسۋىمەن «سۇيىسپەنشىلىك ساباعى: مەيىرىمدىلىك پەن راقىمشىلدىققا قىزمەت ەتۋ!» تاقىرىبىندا ۇلكەن سلەت ءوتتى, دەپ حابارلايدى Egemen.kz
تۇلەكتەردى «بوبەك» ۇعببسو-نىڭ باس ديرەكتورى ەلەنا نيكولاەۆنا ساكەنوۆا قارسى الىپ, العى ءسوز سويلەدى. ساكەنوۆا حانىم تۇلەكتەردىڭ كەزدەسۋى جاقسى داستۇرگە اينالعانىن تىلگە تيەك ەتە كەلە, ولار ءار جىل سايىن ۇلكەن ءبىر وتباسىنىڭ مۇشەلەرى سياقتى ۇلكەن ساعىنىشپەن كەزدەسەتىندەرىن اتاپ ايتتى.
ەلەنا ساكەنوۆا ارقايسىمىزدىڭ ءوسىپ-وركەندەۋىمىز, دامىپ-ءوسۋىمىز جانە ءوز-ءوزىمىزدى تانۋىمىز ءۇشىن سارا الپىسقىزى بارلىق جاعداي جاساۋدى ارماندايتىنى تۋرالى ايتتى. سونىمەن قاتار. تۇلەكتەر نازارىنا ء«وزىن-ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىنىڭ اۆتورى سارا الپىسقىزى نازارباەۆانىڭ بەينەۇندەۋى ۇسىنىلدى.
ء«وزىن ءوزى تانۋ» كوللەدجى مەن گيمنازياسىنىڭ تۇلەكتەرى سارا الپىسقىزىنا جىلى لەبىزدەرىن جولداپ, ء«وزىن-ءوزى تانۋ» ءپانى ءۇشىن شىن جۇرەكتەن العىستارىن ءبىلدىرىپ, قازىرگى كەزدەگى جەتىستىكتەرىمەن ءبولىستى. تۇلەكتەر «بوبەك» ۇعببسو-نىڭ قىزمەتكەرلەرىنە جانە ۇستازدارىنا وزدەرىن تولعاندىرىپ جۇرگەن سۇراقتارىن قويىپ, ناقتى جاۋاپتار الدى.
كەزدەسۋ بارىسىندا «بوبەك» ورتالىعىنىڭ تۇلەكتەرى مەن تاربيەلەنۋشىلەرى دايىنداعان شىعارماشىلىق نومىرلەر كورسەتىلدى.