بۇگىن شىمكەنتتە ناۋرىز مەرەكەسى كۇنى «تازا تابيعات» ەكولوگيالىق جالپىۇلتتىق جوباسى اياسىندا اعاش وتىرعىزۋ اكتسياسى ءوتتى. قالاداعى ء«نۇرسات» تۇرعىن الابىنداعى «استانا» اللەياسىندا وتكەن اعاش وتىرعىزۋ شاراسىنا قالا تۇرعىندارىمەن بىرگە قالا اكىمى مۇرات ايتەنوۆ قاتىستى.
بارشا تۇرعىنداردى ۇلىستىڭ ۇلى كۇنى ناۋرىز مەيرامىمەن قۇتتىقتاعان قالا باسشىسى ءار جىلى ناۋرىز مەرەكەسىن كوگالداندىرۋ مەن تازارتۋدان باستاۋدى داستۇرگە اينالدىرۋ قاجەت ەكەنىن ايتتى.
اكتسيا بارىسىندا اتالعان اللەياعا ءوزىمىزدىڭ دەندروساياباقتا ءوسىپ جەتىلگەن 250 ارشا كوشەتتەرى وتىرعىزىلدى. وسىلايشا, پرەزيدەنتتىڭ ورمان القاپتارىندا 2 ملرد, ەلدى مەكەندەردە 15 ملن اعاش وتىرعىزۋ تۋرالى تاپسىرماسىن ورىنداۋ باستالدى.
يگى ءىس-شاراعا تۇرعىندار, ارداگەرلەر, جاستار جالپى سانى 50-گە جۋىق ادام قاتىستى.
جالپى شىمكەنت قالاسىندا 6 ميلليونعا جۋىق جاسىل جەلەك بار. وتكەن جىلى 2021-2025 جىلدارعا ارنالعان «جاسىل بەلدەۋ» قالىپتاستىرۋدىڭ جوسپارى بەكىتىلگەن. جوسپار بويىنشا 6,5 ملن ءتۇپ اعاش وتىرعىزىلاتىن بولادى. وسىلايشا, قالاداعى اعاش قورى ەكى ەسەگە ارتادى.